19 Aug,2024

သာယာဝတီ ဩဂုတ် ၁၇

             သာယာဝတီခရိုင်အတွင်း ရေကြီးနစ်မြုပ်မှုကြောင့် ပျက်စီးသွားသည့် လမ်း၊ တံတားလုပ်ငန်းများကို ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးထွန်းဝေ၊ ပဲခူးတိုင်းဒေသကြီး ဒုတိယညွှန်ကြားရေးမှူး(မြို့ပြ) ဦးဗိုလ်ဗိုလ်မြင့်နှင့် ဌာနတာဝန်ရှိသူများသည် ဩဂုတ်လ ၁၅ ရက်က ကွင်းဆင်းစစ်ဆေးသည်။

            ရှေးဦးစွာ ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးထွန်းဝေနှင့်အဖွဲ့သည် သာယာဝတီမြို့ အင်းရွာ-သခင်ဗျော-ဘီးလင်းလမ်းပေါ်ရှိ ရေတိုက်စားခြင်းကြောင့် ပြိုကျပျက်စီးသွားသော တံတားနေရာတွင် အရေးပေါ် ဘေလီသံပေါင်တံတားတည်ဆောက်ခြင်းလုပ်ငန်းကို သွားရောက်ကြည့်ရှုပြီး လိုအပ်သည်များ မှာကြားသည်။

          ယင်းနောက် ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးထွန်းဝေသည် သာယာဝတီခရိုင် ကျေးလက်လမ်းဖွံ့ဖြိုးရေးဦးစီးဌာနရုံး အစည်းအဝေးခန်းမ၌ သာယာဝတီခရိုင်အတွင်းရှိ မြို့နယ်များတွင် တာဝန်ထမ်းဆောင်နေကြသည့် ခရိုင်နှင့်မြို့နယ်များမှ ဝန်ထမ်းများနှင့်တွေ့ဆုံ ဆွေးနွေးသည်။

        ထို့နောက် ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးထွန်းဝေနှင့် အဖွဲ့သည် ရွာမ-ကျွန်းကလေးလမ်း လမ်းတစ်လျှောက် ရေတိုက်စားမှု ကြောင့် ပျက်စီးသွားသည့် အပိုင်းများကို လိုက်လံကြည့်ရှုစစ်ဆေးပြီး ဆက်လက်ဆောင်ရွက်ရမည့်လုပ်ငန်းများအား မှာကြားခဲ့ကြောင်း သိရသည်။

သက်ထက်