သမဝါယမနှင့် စီမံခန့်ခွဲမှုပညာတက္ကသိုလ်(စစ်ကိုင်း) သည် စစ်ကိုင်းတိုင်းဒေသကြီး၊ စစ်ကိုင်းခရိုင်၊ စစ်ကိုင်းမြို့တွင်တည်ရှိသည်။ မန္တလေး၊ မုံရွာကားလမ်း အရှေ့ဘက်ရွာထောင်ရပ်ကွက် တွင်တည်ရှိသည်။ တက္ကသိုလ်မြေဧရိယာစုစုပေါင်း (၂၆.၀၄)ဧက ရှိပါသည်။ သမဝါယမနှင့် စီမံခန့်ခွဲမှု ပညာတက္ကသိုလ်(စစ်ကိုင်း)သည် ယခင် ကချင်၊ ချင်းနှင့် စစ်ကိုင်း၊ ပြည်နယ်/တိုင်း သမဝါယမ သင်တန်း ကျောင်းမှတဆင့် သမဝါယမကောဒေသကောလိပ်အဆင့်သို့ (၁၇- ၉- ၁၉၉၆)နေ့တွင် လည်းကောင်း၊ ပြည်ထောင်စုသမ္မတမြန်မာနိုင်ငံတော်အစိုးရအဖွဲ့၏ (၃၁- ၅- ၂၀၁၂) ရက်နေ့တွင် ကျင်းပပြုလုပ်သည့် အစည်းအဝေး အမှတ်စဉ် (၂၀/ ၂၀၁၂) ဖြင့် ဖွဲ့စည်းပုံကို အတည်ပြုခဲ့ပြီး သမဝါယမဝန်ကြီးဌာနမှ (၂၁- ၆- ၂၀၁၂)ရက်စွဲပါ အမိန့်ကြော်ငြာစာအမှတ်(၂၉/ ၂၀၁၂)ဖြင့် သမဝါယမ ကောလိပ် (စစ်ကိုင်း)အား တက္ကသိုလ်အဆင့်သို့ တိုးမြှင့်ဖွင့်လှစ် ခွင့်ပြုခဲ့ပါသည်။ (၅- ၁၁- ၂၀၂၁) ရက်နေ့ တွင် သမယမနှင့်စီမံခန့်ခွဲမှုပညာတက္ကသိုလ် (စစ်ကိုင်း) သို့ လည်းကောင်း အဆင့်ဆင့်တိုးမြှင့် ဖွင့်လှစ်ခဲ့ခြင်းဖြစ်ပါသည်။

   သမဝါယမကောလိပ်ဖွင့်လှစ်ခဲ့သည့် ၁၉၉၆ - ၁၉၉၇ ပညာသင်နှစ်မှ ၁၉၉၈ - ၁၉၉၉ ပညာသင်နှစ်အထိ လက်မှတ်ရ၊ စာရင်းရေး၊ စာရင်းကိုင်သင်တန်း Certificate in Bookkeeping and Accountancy (CBA)သင်တန်းများကို ဖွင့်လှစ်နိုင်ခဲ့ပြီး ၁၉၉၈ - ၁၉၉၉ ပညာသင်နှစ်မှ ၂၀၁၁ - ၂၀၁၂ ပညာသင်နှစ်အထိ အောက်ပါဒီပလိုမာသင်တန်းများ ဖွင့်လှစ်သင်ကြား ပေးနိုင်ခဲ့ပါသည် -

• စီးပွားရေးလုပ်ငန်းစာရင်းကိုင်ဒီပလိုမာ

                              Diploma in Business Accounting (Dip: B.Acct)

• ရောင်းဝယ်ရေးစီမံခန့်ခွဲမှုဒီပလိုမာ

                              Diploma in Marketing Management (Dip: M.M)

• စီးပွားရေးလုပ်ငန်းစီမံခန့်ခွဲမှုဒီပလိုမာ

                              Diploma in Business Management (Dip: B.M)

   ၂၀၁၄-၂၀၁၅ ပညာသင်နှစ်မှစ၍ စီးပွား‌ရေးသိပ္ပံဘွဲ့အား စာရင်းကိုင်ပညာနှင့် ဘဏ္ဍာရေးပညာ၊ အသုံးချစာရင်းအင်းပညာ၊ စျေးကွက်ဖော်ဆောင်ရေးစီမံခန့်ခွဲမှုပညာ၊ ဒေသဆိုင်ရာဖွံ့ဖြိုးမှုပညာနှင့် လူမှုစီးပွားရေးလုပ်ငန်း စီမံခန့်ခွဲမှုပညာစသည့် အထူးပြု ဘာသာရပ်(၅)ခုဖြင့် သင်ကြားခဲ့ပြီး အထူးပြုဘာသာရပ်အလိုက် ဘွဲ့များကို ၂၀၁၇-၂၀၁၈ ပညာသင်နှစ်အကုန် ၂၀၁၈ခုနှစ်၊ နိုဝင်ဘာလမှ စတင်၍ အပ်နှင်းချီးမြှင့်လျက်ရှိပါသည်။ အထူးပြုဘာသာရပ်အလိုက် ဘွဲ့လွန်ဒီပလိုမာသင်တန်းများကို ၂၀၁၄-၂၀၁၅ ပညာသင်နှစ်မှ စတင် သင်ကြားခဲ့ပြီး ဘွဲ့လွန်ဒီပလိုမာများ ပေးအပ်လျက်ရှိပါသည်။ အထူးပြုဘာသာရပ်အလိုက် မဟာဘွဲ့သင်တန်းများကို ၂၀၁၅-၂၀၁၆ပညာသင်နှစ်မှ စတင်သင်ကြားခဲ့ပြီး ၂၀၁၇-၂၀၁၈ ပညာသင်နှစ်မှစ၍ မဟာဘွဲ့များ အပ်နှင်းချီးမြှင့်လျက်ရှိပါသည်။

   ၂၀၂၁ခုနှစ်၊ နိုဝင်ဘာလ(၅)ရက်‌နေ့တွင် သမဝါယမနှင့်စီမံခန့်ခွဲမှုပညာတက္ကသိုလ် (စစ်ကိုင်း) အမည်သို့ ပြောင်းလဲသတ်မှတ်ခဲ့သည်။

သမဝါယမကောလိပ်(စစ်ကိုင်း)တွင် တာဝန်ထမ်းဆောင်ခဲ့သည့် ကျောင်းအုပ်ကြီးများ

အမည်စာရင်း

စဉ်	အမည်	ရာထူး	ကာလ		မှတ်ချက်
			မှ	ထိ
၁	ဦးချစ်ဆွေ	ညွှန်ကြားရေးမှူး (တိုင်းသမဝါယမဦးစီးဌာန)	၇-၆-၁၉၉၆	၇-၁-၁၉၉၉	ကျောင်းအုပ်ကြီး တာဝန်ပူးတွဲ ထမ်းဆောင်သည်။
၂	ဦးကြည်ဝင်း	ဒု-ညွှန်ကြားရေးမှူး) (တိုင်းသမဝါယမဦးစီးဌာန)	၇-၁-၁၉၉၉	၁၇-၁-၂၀၀၀	ကျောင်းအုပ်ကြီး တာဝန်ပူးတွဲ ထမ်းဆောင်သည်။
၃	ဦးကျော်မြင့်	ညွှန်ကြားရေးမှူး	၁၇-၁-၂၀၀၀	၃၁-၇-၂၀၀၀	ညွှန်ချုပ်ရုံးတွဲဖက်
၄	ဦးအောင်မင်း	ညွှန်ကြားရေးမှူး	၁-၈-၂၀၀၀	၂၉-၁၀-၂၀၀၂	ချင်းပြည်နယ်ရုံး တွင်တွဲဖက်ထမ်းဆောင်သည်။
၅	ဦးဟန်စိုး	ဒု-ကျောင်းအုပ်ကြီး	၃၀-၁၀-၂၀၀၂	၆-၁၂-၂၀၀၂	ကျောင်းအုပ်ကြီး တာဝန်ထမ်းဆောင်သည်။
၆	ဦးရဲမြင့်အောင်	ကျောင်းအုပ်ကြီး	၇-၁၂-၂၀၀၂	၁၀-၂-၂၀၀၅	ကျောင်းအုပ်ကြီး တာဝန်ထမ်းဆောင်သည်။
၇	ဦးဟန်စိုး	ဒု-ကျောင်းအုပ်ကြီး	၁၁-၁၀-၂၀၀၅	၃၁-၅-၂၀၀၆	ကျောင်းအုပ်ကြီး တာဝန်ထမ်းဆောင်သည်။
၈	ဦးဟန်စိုး	ကျောင်းအုပ်ကြီး	၁-၉-၂၀၀၆	၈-၉-၂၀၀၉	ကျောင်းအုပ်ကြီး တာဝန်ထမ်းဆောင် သည်။
၉	ဒေါ်တင့်ဆန်း	ကျောင်းအုပ်ကြီး	၉-၉-၂၀၀၉	၅-၁-၂၀၁၂	ကျောင်းအုပ်ကြီး တာဝန်ထမ်းဆောင်သည်။
၁၀	ဦးအောင်သူရ	ဒု-ကျောင်းအုပ်ကြီး	၅-၁-၂၀၁၂	၇-၂-၂၀၁၂	ကျောင်းအုပ်ကြီး တာဝန်ထမ်းဆောင်သည်။
၁၁	ဒေါက်တာရီရီဝင်း	ခေတ္တကျောင်းအုပ်ကြီး	၈-၂-၂၀၁၂	၅-၄-၂၀၁၂	ကျောင်းအုပ်ကြီး တာဝန်ထမ်းဆောင်သည်။
၁၂	ဒေါက်တာရီရီဝင်း	ကျောင်းအုပ်ကြီး	၆-၄-၂၀၁၂	၁၅-၁၀-၂၀၁၂	ကျောင်းအုပ်ကြီး တာဝန်ထမ်းဆောင်သည်။

သမဝါယမတက္ကသိုလ်(စစ်ကိုင်း)တွင် တာဝန်ထမ်းဆောင်ခဲ့သည့် ပါမောက္ခချုပ်အမည်စာရင်း

စဉ်	အမည်	ရာထူး	ကာလ		မှတ်ချက်
			မှ	ထိ
၁	ဒေါက်တာရီရီဝင်း	ဒုတိယပါမောက္ခချုပ်	၁၆-၁၀-၂၀၁၂	၁၄-၁၁-၂၀၁၃	တာဝန်ခံပါမောက္ခချုပ် တာဝန်ထမ်းဆောင်သည်။
၂	ဒေါက်တာရီရီဝင်း	ပါမောက္ခချုပ်	၁၅-၁၁-၂၀၁၃	၁၂-၂-၂၀၁၆	ပါမောက္ခချုပ်တာဝန် ထမ်းဆောင်သည်။
၃	ဒေါက်တာဒေါ်ရီအေး	ခေတ္တပါမောက္ခချုပ်	၁၇-၂-၂၀၁၆	၂၅-၂-၂၀၁၆	ခေတ္တပါမောက္ခချုပ် တာဝန်ထမ်းဆောင်သည်။
၄	ဒေါက်တာဒေါ်ရီအေး	ပါမောက္ခချုပ်	၂၆-၂-၂၀၁၆	၂၇-၆-၂၀၁၇	ပါမောက္ခချုပ်တာဝန် ထမ်းဆောင်သည်။ [Deferleave (၄)လအပါအဝင်]
၅	ဒေါက်တာမို့မို့ရီ	ခေတ္တပါမောက္ခချုပ်	၁၄-၃-၂၀၁၇	၂၅-၉-၂၀၁၈	ခေတ္တပါမောက္ခချုပ် တာဝန်ထမ်းဆောင်သည်။
၆	ဒေါက်တာမို့မို့ရီ	ပါမောက္ခချုပ်	၂၆-၉-၂၀၁၈	ယနေ့ထိ	ပါမောက္ခချုပ်တာဝန် ထမ်းဆောင်သည်။