သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
သမိုင်းကြောင်း
နောက်ခံသမိုင်းအကျဉ်းချုပ်
၁။ ကျေးလက်ဒေသဖွံ့ဖြိုးတိုးတက်ရေးဦးစီးဌာန (ရုံးချုပ်)အား (၇-၆-၂၀၁၂)ရက်နေ့တွင် နယ်စပ်ရေးရာဝန်ကြီးဌာန ကွပ်ကဲမှုအောက်၌ ဖွဲ့စည်းပုံခွင့်ပြုအင်အား အရာထမ်း(၁၀၅)နေရာ၊ အမှုထမ်း(၂၉၁)နေရာ၊ စုစုပေါင်း(၃၉၆)နေရာဖြင့် စတင်ဖွဲ့စည်းခဲ့ပါသည်။ (၁၁-၇-၂၀၁၃)ရက်နေ့တွင် ပြုလုပ်သော ပြည်ထောင်စုအစိုးရအဖွဲ့ အစည်းအဝေးအမှတ်စဉ် (၂၂/၂၀၁၃) သဘောတူခွင့်ပြုချက် အရ ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)၊ တိုင်းဒေသကြီး/ ပြည်နယ် (၁၄)ရုံး၊ ခရိုင်(၆၀)ရုံး၊ မြို့နယ်(၂၈၃)ရုံး၊ ပြည်ထောင်စုတိုင်းရင်းသားကျေးရွာတို့ကို ဖွဲ့စည်းပုံ ခွင့်ပြု အင်အား အရာထမ်း(၁၀၄၇)နေရာ၊ အမှုထမ်း(၁၀၄၂၆)နေရာ၊ စုစုပေါင်း(၁၁၄၇၃)နေရာဖြင့် တိုးချဲ့ဖွဲ့စည်းခဲ့ပါသည်။ (၉-၈-၂၀၁၃)ရက်နေ့တွင် မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးရေး ဝန်ကြီးဌာန ကွပ်ကဲမှုအောက်သို့ ပြောင်းလဲဖွဲ့စည်းခဲ့ပြီး (၃၁-၃-၂၀၁၆)ရက်နေ့တွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ကွပ်ကဲမှုအောက်သို့လည်းကောင်း၊ (၁၇-၆-၂၀၂၁)ရက်နေ့တွင် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ကွပ်ကဲမှုအောက်သို့ လည်း ကောင်း ပြောင်းလဲဖွဲ့စည်းခဲ့ပါသည်။
၂။ ပြည်ထောင်စုအစိုးရအဖွဲ့ အစည်းအဝေးအမှတ်စဉ်(၁၃/၂၀၁၄) သဘောတူခွင့်ပြုချက် အရ ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)၊ ပြည်ထောင်စုနယ်မြေ၊နေပြည်တော် အပါအဝင် တိုင်းဒေသကြီး/ပြည်နယ် (၁၅)ရုံး၊ ခရိုင်(၆၂)ရုံး၊ မြို့နယ်(၂၉၁)ရုံး၊ ပြည်ထောင်စု တိုင်းရင်းသားကျေးရွာတို့ကို ဖွဲ့စည်းပုံခွင့်ပြုအင်အား အရာထမ်း(၁၀၉၃)နေရာ၊ အမှုထမ်း (၁၀၈၀၅)နေရာ၊ စုစုပေါင်း (၁၁၈၉၈)နေရာဖြင့် တိုးချဲ့ဖွဲ့စည်းခဲ့ပါသည်။
၃။ ပြည်ထောင်စုအစိုးရအဖွဲ့အစည်းအဝေးအမှတ်စဉ်(၉/၂၀၁၆)သဘောတူခွင့်ပြုချက်အရ ခရိုင်အဆင့်ရုံး(၆)ရုံးအား တိုးချဲ့ဖွဲ့စည်း၍ မိုင်းဖြတ်ခရိုင်ကျေးလက်အား ဖျက်သိမ်းခဲ့သဖြင့် ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)၊ တိုင်းဒေသကြီး/ပြည်နယ် (၁၅)ရုံး၊ ခရိုင် (၆၇)ရုံး၊ မြို့နယ်(၂၉၁)ရုံး၊ ပြည်ထောင်စုတိုင်းရင်းသားကျေးရွာတို့ကို ဖွဲ့စည်းပုံခွင့်ပြုအင်အားမှာ အရာထမ်း(၁၁၁၃)နေရာ၊ အမှုထမ်း (၁၀၉၁၀)နေရာ၊ စုစုပေါင်း (၁၂၀၂၃)နေရာ ဖြစ်ပါသည်။
၄။ ပြည်ထောင်စုအစိုးရအဖွဲ့အစည်းအဝေးအမှတ်စဉ်(၁၄/၂၀၁၇) သဘောတူခွင့်ပြုချက်ဖြင့် နာဂကိုယ်ပိုင်အုပ်ချုပ်ခွင့်ရဒေသတွင် ခရိုင်အဆင့်ကျေးလက်ရုံး(၁)ရုံး တိုးချဲ့ဖွဲ့စည်းခဲ့ရာ ကျေးလက် ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)၊ တိုင်းဒေသကြီး/ပြည်နယ် (၁၅)ရုံး၊ ခရိုင် (၆၈)ရုံး၊ မြို့နယ်(၂၉၁)ရုံး၊ ပြည်ထောင်စုတိုင်းရင်းသားကျေးရွာတို့၏ ဖွဲ့စည်းပုံခွင့်ပြုအင်အားမှာ အရာထမ်း (၁၁၁၇) နေရာ၊ အမှုထမ်း (၁၀၉၃၁) နေရာ၊ စုစုပေါင်း (၁၂၀၄၈)နေရာ ဖြစ်ပါသည်။
၅။ ပြည်ထောင်စုအစိုးရအဖွဲ့ အစည်းအဝေး အမှတ်စဉ်(၆/၂၀၁၉) သဘောတူ ခွင့်ပြုချက်ဖြင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနအား (ရုံးချုပ်)၊ တိုင်းဒေသကြီး/ ပြည်နယ်ရုံး (၁၅)ရုံး ၊ ပြည်နယ်ရုံးခွဲ(၂)ရုံး၊ ခရိုင်ရုံး(၆၇)ရုံး၊ နာဂကိုယ်ပိုင်အုပ်ချုပ်ခွင့်ရဒေသရုံး (၁)ရုံး၊ မြို့နယ်ရုံး (၂၉၁)ရုံး၊ ပြည်ထောင်စုတိုင်းရင်းသားကျေးရွာတို့ကို ဖွဲ့စည်းပုံခွင့်ပြုအင်အား အရာထမ်း(၁၁၁၇)နေရာ၊ အမှုထမ်း(၁၀၉၃၁) နေရာ၊ စုစုပေါင်း(၁၂၀၄၈)နေရာ ဖြစ်ပါသည်။
၆။ ကျေးလက်ဒေသဖွံ့ဖြိုးတိုးတက်ရေးဦးစီးဌာနအား (ရုံးချုပ်)၊ တိုင်းဒေသကြီး/ပြည်နယ်ရုံး (၁၇)ရုံး၊ ခရိုင်ရုံး(၇၃)ရုံး၊ နာဂကိုယ်ပိုင်အုပ်ချုပ်ခွင့်ရဒေသရုံး(၁)ရုံး၊ မြို့နယ်ရုံး (၂၉၁)ရုံး တို့ကို အိမ်စောင့်အစိုးရအဖွဲ့အစည်းအဝေးအမှတ်စဉ်(၁/၂၀၂၁)မှ ဖွဲ့စည်းပုံခွင့်ပြုအင်အား အရာထမ်း (၁၃၇၉) နေရာ၊ အမှုထမ်း(၉၁၃၅) နေရာ၊ စုစုပေါင်း(၁၀၅၁၄)နေရာဖြင့် သဘောတူ ခွင့်ပြုထား ပါသည်။
၇။ ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)သည် နေပြည်တော်၊ ဥတ္တရသီရိ မြို့နယ်၊ ပဏ္ဏိတလမ်း၊ရုံးအမှတ်(၃၆)အနီးတွင်တည်ရှိပါသည်။
တာဝန်ထမ်းဆောင်ခဲ့သော ညွှန်ကြားရေးမှူးချုပ်များ
စဉ် အမည် မှ ထိ
၁ ဦးစိုးကိုကို ၁-၅-၂၀၁၂ ၂၃-၂-၂၀၁၅
၂ ဦးခန့်ဇော် ၁၄-၅-၂၀၁၅ ၂၀-၈-၂၀၂၁
၃ ဦးသိန်းလွင် ၃၀-၉-၂၀၂၁ ယနေ့အထိ