13 Jun,2022

နေပြည်တော်၊ ဇွန် ၁၃

မဲခေါင်-လန်ချန်းအထူးရန်ပုံငွေ(၂၀၂၀)ဖြင့် ဆောင်ရွက်သည့် မြန်မာနိုင်ငံနှင့် မဲခေါင်ဒေသရှိ သမဝါယမအသင်းများဖွံ့ဖြိုးတိုးတက်စေရန်နှင့် စွမ်းဆောင်ရည်မြှင့်တင်စေရန်အတွက် ဖွင့်လှစ်သော သမဝါယမစီမံခန့်ခွဲမှုနှင့် ဈေးကွက်ဖော်ဆောင်ရေးသင်တန်း(စတုတ္ထအကြိမ်) ဖွင့်ပွဲအခမ်းအနားကို သမဝါယမဦးစီးဌာန၊ ညွှန်ကြားရေးမှူးချုပ်ရုံး၊ ညှိနှိုင်းအစည်းအဝေးခန်းမ၌ Online စနစ်ဖြင့် ယနေ့ နေ့လည် (၁:၀၀) နာရီတွင် ကျင်းပခဲ့ရာ သမဝါယမဦးစီးဌာန၊ ဒုတိယညွှန်ကြားရေးမှူးချုပ် ဦးသောင်းနိုင် နှင့် တာဝန်ရှိသူများ၊ သင်ကြားပို့ချသည့်ဆရာ၊ ဆရာမများနှင့် သင်တန်းသား/သူများ တက်ရောက်ခဲ့ကြသည်။

သင်တန်းဖွင့်ပွဲအခမ်းအနားတွင် သမဝါယမဦးစီးဌာန၊ ဒုတိယညွှန်ကြားရေးမှူးချုပ် ဦးသောင်းနိုင်က သင်တန်းဖွင့်လှစ်ရခြင်းနှင့်စပ်လျဉ်း၍ အမှာစကားပြောကြားခဲ့သည်။ သမဝါယမစီမံခန့်ခွဲမှုနှင့် ဈေးကွက်ဖော်ဆောင်ရေးသင်တန်း (စတုတ္ထအကြိမ်) ကို (၁၃-၆-၂၀၂၂)မှ (၁၇-၆-၂၀၂၂) ရက်နေ့ထိ သင်တန်းသား/သူ (၁၀၅) ဦးဖြင့် နေ့လည်(၁:၀၀) နာရီမှ ညနေ(၄:၃၀)နာရီထိ (၅)ရက်ကြာ သင်ကြားပို့ချသွားမည်ဖြစ်သည်။ သင်တန်းသို့ သမဝါယမဦးစီးဌာန အဆင့်ဆင့်ရှိ ဌာနဝန်ထမ်းများ၊ သမဝါယမအသင်းအဆင့်ဆင့်ရှိ အသင်းအမှုဆောင်များနှင့် အသင်းဝန်ထမ်းများအား Online မှတစ်ဆင့် Zoom Application ဖြင့် သင်ကြားပို့ချသွားမည်ဖြစ်ကြောင်း သိရသည်။