05 Sep,2023

ပုသိမ်၊ စက်တင်ဘာ ၅

          ဧရာဝတီတိုင်းဒေသကြီး၊ ပုသိမ်မြို့နယ် မြတ်ဧရာမေအမျိုးသမီးဖွံ့ဖြိုးတိုးတက်ရေး သမဝါယမအသင်းလီမိတက် နှစ်ပတ်လည်အရပ်ရပ်ဆိုင်ရာအစည်းအဝေးကို တိုင်းဒေသကြီး သမဝါယမအသင်းစုချုပ်ရုံး၌ ကျင်းပခဲ့သည်။ အစည်းအဝေးသို့ တိုင်းဒေသကြီးသမဝါယမဦးစီးဌာန၊ ဖွဲ့စည်းရေးဌာနစိတ်မှ ဦးစီးအရာရှိ၊ မြို့နယ်သမဝါယမဦးစီးဌာနမှ ဦးစီးအရာရှိနှင့် တာဝန်ရှိသူများ၊ မြို့နယ်သမဝါယမအသင်းစုဥက္ကဋ္ဌနှင့် အသင်းသားများ တက်ရောက်ခဲ့သည်။

          အဆိုပါ အစည်းအဝေးတွင် သဘာပတိအဖြစ် မြတ်ဧရာမေအမျိုးသမီးဖွံ့ဖြိုးတိုးတက်ရေး သမဝါယမအသင်းလီမိတက်ဥက္ကဋ္ဌ ဒေါ်သန်းသန်းလှက အဖွင့်အမှာစကားပြောကြားခဲ့ပြီး ၂၀၂၂-၂၀၂၃ ဘဏ္ဍာရေးနှစ်အတွက် ဒါရိုက်တာအဖွဲ့လုပ်ငန်းအစီရင်ခံစာ၊ နှစ်ချုပ်ဘဏ္ဍာရေးရှင်းတမ်းများ နှင့် အသင်းသားစာရင်းစစ်အစီရင်ခံစာများကို ဖတ်ကြားရှင်းလင်း၍ တက်ရောက်လာသူများထံမှ အတည်ပြုချက်ရယူခဲ့သည်။ ထို့နောက် တက်ရောက်လာသည့် အသင်းသားများအား တစ်ဦးလျှင် ချီးမြှင့်ငွေကျပ် တစ်သောင်းနှုန်းဖြင့် အသင်းသား ၂၃၆ ဦးအတွက် ငွေကျပ် ၂၃၆၀၀၀၀ နှင့် အစုပေါ်အမြတ်ငွေကျပ် ၄၈၀၀၀၀ တို့အား ပေးအပ်ခဲ့ကြောင်း သိရသည်။