05 Sep,2022

မိုးကောင်း၊ စက်တင်ဘာ ၄

ကချင်ပြည်နယ်အတွင်းရှိ မိုးကောင်းနှင့် ပူတာအိုမြို့နယ်သမဝါယမအသင်းစုတို့ အချင်းချင်း ချိတ်ဆက်၍ မိုးကောင်းမြို့နယ်၊ ပင်းကျိုင်းကျေးရွာရှိ အောင်ဇမ္ဗူစိုက်ပျိုးရေးနှင့်အထွေထွေ လုပ်ငန်းသမဝါယမအသင်း၏ အသင်းသားပိုင်ဆန်စက်မှ ထွက်ရှိသည့်ဆန်များအား ပူတာအို မြို့နယ်သမဝါယမအသင်းစု၏ ဒေသထွက်ကုန် စံပြအရောင်းဆိုင်တွင် ရောင်းချရန်အတွက် ပထမအကြိမ်အဖြစ် ဆန်အိတ် ၉၀ အိတ်ကိုလည်းကောင်း၊ ဒုတိယအကြိမ်အဖြစ် ဆန်အိတ် ၄၀ အိတ်ကိုလည်းကောင်း အသင်းသားပြည်သူများ ပြင်ပပေါက်ဈေးထက် သက်သာသောဈေးနှုန်း ဖြင့် ဝယ်ယူနိုင်ရန်အတွက် ဖြန့်ဖြူးရောင်းချလျက်ရှိကြောင်း သိရသည်။