မလှိုင် ဇူလိုင် ၄
မလှိုင်မြို့နယ်တွင် (၁၀၂)နှစ်မြောက် အပြည်ပြည်ဆိုင်ရာသမဝါယမနေ့ကို ကြိုဆိုဂုဏ်ပြု သောအားဖြင့် မြို့နယ်သမဝါယမဦးစီးဌာန ဝန်ထမ်းများစုပေါင်း၍ ဇူလိုင်(၂)ရက်နေ့က ကံတွင်းကျေးရွာ အုပ်စုရှိ ဦးတောဘုန်းကြီးကျောင်း၌ စုပေါင်းသစ်ပင်များ စိုက်ပျိုးခဲ့ကြကြောင်း သိရသည်။
အဆိုပါ သစ်ပင်စိုက်ပျိုးပွဲတွင် မြို့နယ်သမဝါယမဦးစီးဌာန၊ ဦးစီးအရာရှိ ဦးဇော်လင်းကို ဦးဆောင်၍ ဝန်ထမ်း(၁၉)ဦး၊ သမဝါယမအသင်းအမှုဆောင် (၇)ဦးတို့သည် အဆိုပါဘုန်းတော်ကြီး ကျောင်းဝန်းအတွင်း၌ မန်ကျည်း၊ တမာ၊ ဗာဒံ၊ လသာ စုစုပေါင်း အရိပ်ရအပင် (၁၀၀)ကို စုပေါင်း စိုက်ပျိုးခဲ့ကြပြီး ကျောင်းတိုက်အတွင်း စုပေါင်းသန့်ရှင်းရေးများ ဆောင်ရွက်ခဲ့ကြသည်။ ထို့နောက် ကျောင်းထိုင်ဆရာတော်ထံ လှူဖွယ်ပစ္စည်းများ ဆက်ကပ်လှူဒါန်းခဲ့ကြကြောင်း သိရသည်။
အောင်ဌေး(မလှိုင်)
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။