Language : မြန်မာ | Eng
ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ပြည်ပချေးငွေ၊ အကူအညီ/ အထောက်အပံ့ စီမံကိန်းများနှင့်စပ်လျဉ်းသည့် ညှိနှိုင်းအစည်းအဝေးကျင်းပ


08 Sep,2022

နေပြည်တော် စက်တင်ဘာ ၇

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာနမှ ဆောင်ရွက်လျက်ရှိသော ပြည်ပချေးငွေ၊ အကူအညီ/ အထောက်အပံ့ စီမံကိန်းများနှင့်စပ်လျဉ်းသည့် ညှိနှိုင်းအစည်းအဝေးကို ဒုတိယဝန်ကြီး ဦးဆောင်၍ ၇-၉-၂၀၂၂ ရက်နေ့ နံနက် ၁၀:၀၀ နာရီတွင် ရုံးအမှတ်(၁၆)ရှိ ဝန်ကြီးရုံး အစည်းအဝေးခန်းမ၌ ကျင်းပပြုလုပ်ခဲ့ပါသည်။

အဆိုပါအစည်းအဝေးသို့ အမြဲတမ်းအတွင်းဝန်၊ သမဝါယမဦးစီးဌာန၊ ကျေးလက်ဒေသဖွံ့ဖြိုး တိုးတက်ရေးဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာနနှင့် ကျေးလက်လမ်းဖွံ့ဖြိုးရေးဦးစီးဌာန တို့မှ ညွှန်ကြားရေးမှူးချုပ်များ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဒုတိယညွှန်ကြားရေးမှူးချုပ် နှင့် သက်ဆိုင်ရာဦးစီးဌာန/ဌာနခွဲများမှ စီမံကိန်း၊ဘဏ္ဍာရေးတာဝန်ခံ ညွှန်ကြားရေးမှူးများ တက်ရောက်ခဲ့ကြပါသည်။ အစည်းအဝေးတွင် ပြည်ပချေးငွေ၊အကူအညီ/ အထောက်အပံ့ စီမံကိန်းများနှင့် စပ်လျဉ်းသည့် ဆောင်ရွက်ဆဲ/ မပြီးပြတ်သည့် စီမံကိန်းများ၏လက်ရှိအခြေအနေများနှင့် ဖြေရှင်း ဆောင်ရွက်ပေးရန် လိုအပ်သည့် အခြေအနေများနှင့် ပတ်သက်၍ ဦးစီးဌာနများအလိုက် ရှင်းလင်း တင်ပြခဲ့ကြပြီး၊ တွေ့ကြုံနေရသည့် အခက်အခဲများအား ဖြေရှင်းဆောင်ရွက်နိုင်ရေးအတွက် ညှိနှိုင်းဆွေးနွေးခဲ့ကြပါသည်။


ဆက်သွယ်ရန်

Dial these numbers and email in case of any emergency

  • တယ်လီဖုန်း

    ၀၆၇ - ၄၁၀၀၃၃
  • ဖက်စ်

    ၀၉၅ - ၆၇ - ၄၁၀၀၃၆
  • Email

    contact@mcrd.gov.mm