04 Feb,2025

ညောင်ရွှေ ဖေဖော်ဝါရီ ၄

ရှမ်းပြည်နယ်(တောင်ပိုင်း) ညောင်ရွှေမြို့နယ်သမဝါယမအသင်းစုလီမိတက်၏ ၂၀၂၃-၂၀၂၄ ဘဏ္ဍာရေးနှစ်အတွက် နှစ်ပတ်လည်အရပ်ရပ်ဆိုင်ရာအစည်းအဝေးကို အဆိုပါရုံးခန်းမတွင် ကျင်းပ ပြုလုပ်ခဲ့သည်။ အစည်းအဝေးတွင် သဘာပတိ မြို့နယ်သမဝါယမအသင်းစုဥက္ကဋ္ဌ ဦးလှထွဏ်းက နှစ်အတွင်း လုပ်ငန်းဆောင်ရွက်မှုအခြေအနေများကို တင်ပြခဲ့သည်။ ထို့နောက် ပြည်နယ်သမဝါယမ ဦးစီးဌာန ပြည်နယ်ဦးစီးမှူး ဦးကျော်မိုးတင့်က တက်ရောက်အမှာစကားပြောကြားခဲ့သည်။

ဆက်လက်၍ ရှမ်းပြည်နယ်တောင်ပိုင်း/အရှေ့ပိုင်းသမဝါယမအသင်းစုချုပ်ဥက္ကဋ္ဌက ဆွေးနွေး မှာကြားပြီး ညောင်ရွှေမြို့နယ်သမဝါယမအသင်းစု၏ ၂၀၂၃-၂၀၂၄ ဘဏ္ဍာနှစ်အတွင်း လုပ်ငန်း ဆောင်ရွက်မှုအစီရင်ခံစာ၊ နှစ်ချုပ်ဘဏ္ဍာရေးရှင်းတမ်းများဖတ်ကြားရှင်းလင်းခြင်း၊ အသင်းစာရင်း စစ်အစီရင်ခံစာနှင့် အမှာစာများကိုဖတ်ကြားရှင်းလင်းခြင်း၊ ရှေးလုပ်ငန်းစဥ်များချမှတ်ခြင်းနှင့် အသင်းဝင်ကိုယ်စားလှယ်များ၏ ဆွေးနွေးတင်ပြချက်များကိုရှင်းလင်းကာ အတည်ပြုချက်ရယူခြင်း များဆောင်ရွက်ခဲ့သည်။

အဆိုပါအစည်းအဝေးသို့ ပြည်နယ်သမဝါယမဦးစီးဌာန ပြည်နယ်ဦးစီးမှူး၊ သမဝါယမ အသင်းစုချုပ်ဥက္ကဋ္ဌနှင့် တာဝန်ရှိသူများ၊ သမဝါယမဦးစီးဌာန ဦးစီးအရာရှိနှင့်ဝန်ထမ်းများ၊ မြို့နယ် သမဝါယမအသင်းစုအမှုဆောင်များ၊ အသင်းဝင်ကိုယ်စားလှယ်များနှင့် ဖိတ်ကြားထားသော မြို့နယ် အဆင့်တာဝန်ရှိသူများ စုစုပေါင်း ၉၀ ဦး တက်ရောက်ခဲ့ကြောင်း သိရသည်။