Ministry of Cooperatives and Rural Development

ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ရွှေကူမြို့နယ် ဟိန်ကောင်ကျေးရွာ၌ မြေထိန်းနံရံ တည်ဆောက်ပြီးစီး

16 Jan,2024

ရွှေကူ ဇန်နဝါရီ ၁၆

ကချင်ပြည်နယ် ဗန်းမော်ခရိုင် ရွှေကူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၃-၂၀၂၄ ဘဏ္ဍာနှစ်တွင် ပြည်ထောင်စုဘဏ္ဍာရန်ပုံငွေဖြင့် စီမော်ကျေးရွာအုပ်စု ဟိန်ကောင်ကျေးရွာ၌ မြေထိန်းနံရံ တည်ဆောက်ခြင်းလုပ်ငန်း ဆောင်ရွက်ပြီးစီးမှုအခြေအနေများကို ယနေ့နံနက်ပိုင်းက တာဝန်ရှိသူများ ကွင်းဆင်းကြည့်ရှုစစ်ဆေးကြောင်း သိရသည်။

ထိုသို့ ကွင်းဆင်းစစ်ဆေးရာတွင် ရွှေကူမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးယဉ်ခိုင်နှင့် တာဝန်ရှိသူများက ဟိန်ကောင်ကျေးရွာ၌ အလျားပေ ၁၀၀၊ အနံ နှစ်ပေနှင့်အမြင့် ခြောက်ပေရှိ မြေထိန်းနံရံ တည်ဆောက်ခြင်းလုပ်ငန်း ဆောင်ရွက်ပြီးစီးမှုအခြေအနေများကို သတ်မှတ်စံချိန်စံညွှန်းနှင့်အညီ အရည်အသွေးပြည့်မီစွာ ဆောင်ရွက်ထားမှုရှိ၊ မရှိ တိုင်းတာစစ်ဆေးပြီး မြို့နယ်ဦးစီးမှူးက မြေထိန်းနံရံ ရေရှည်တည်တံ့အောင် ဝိုင်းဝန်းထိန်းသိမ်းစောင့်ရှောက်ကြရန် ဆွေးနွေးပြောကြားသည်။

အဆိုပါ ဟိန်ကောင်ကျေးရွာ၌ မြေထိန်းနံရံ တည်ဆောက်ခြင်းလုပ်ငန်းကို ဆန်းမြတ်ဧရာ ကုမ္ပဏီက ၂၀၂၃-၂၀၂၄ ဘဏ္ဍာနှစ်တွင် ပြည်ထောင်စုဘဏ္ဍာရန်ပုံငွေကျပ် ၂၁ ဒသမ ၀၈၇ သန်းအသုံးပြု၍ ၂၀၂၃ ခုနှစ်၊ ဇူလိုင်လ ပထမပတ်ကစတင်ဆောင်ရွက်ခဲ့ရာ ယခုအခါလုပ်ငန်းများ ရာနှုန်းပြည့် ပြီးစီးပြီဖြစ်ကြောင်း ရွှေကူမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးယဉ်ခိုင်က ပြောပြ၍ သိရသည်။