ကုန်သွယ်မှုလုပ်ငန်းဆောင်ရွက်သည့် သမဝါယမအသင်းများ၏အခြေအနေ

ကုန်သွယ်မှုသမဝါယမအသင်းများ၏ အသင်းအမျိုးအစားအလိုက် လုပ်ငန်းဆောင်ရွက်မှု အခြေအနေမှာ အောက်ပါအတိုင်း ဖြစ်ပါသည် -

(၁) အစိုးရဝန်ထမ်းပေါင်းစုံသမဝါယမအသင်း

အစိုးရဝန်ထမ်းပေါင်းစုံ သမဝါယမအသင်း(၃၃၂)သင်းရှိပြီး အသင်းသား ဝန်ထမ်းများနှင့် ပြည်သူများလိုအပ်လျက်ရှိသောကုန်ပစ္စည်းများရောင်းချ ခြင်း၊ ချေးငွေထုတ်ချေးခြင်း၊ ဝန်ဆောင်မှုလုပ်ငန်းများအနေဖြင့် တည်းခိုခန်း လုပ်ငန်းခွဲ၊ဆေးရုံ/ ဆေးခန်းလုပ်ငန်းခွဲ၊ ကားဂိတ်လုပ်ငန်းခွဲများ ဆောင်ရွက် လျက်ရှိရာ အောင်မြင်နေသောသမဝါယမအသင်းများအနက် မန္တလေးတိုင်း အစိုးရဝန်ထမ်းပေါင်းစုံ သမဝါယမအသင်းမှ လုပ်ငန်းဆောင်ရွက်မှု အခြေအနေနှင့် မှတ်တမ်းဓါတ်ပုံများမှာ အောက်ပါအတိုင်းဖြစ်ပါသည်

(က) ဂျီအီးစီသကြားစက်လုပ်ငန်းခွဲ

အသင်းပိုင်မြေ(၂၆၀'x ၁၂၀') ပေါ်တွင် တစ်နေ့(၈)နာရီတစ်ဆိုင်း၊ သကြား(၅)တန်ကျပေါင်းသကြား   ( Down Tap Pan)စက်အမျိုးအစား၊ လျှပ်စစ်အား ၃၀၀ HP အသုံးပြု၍ အကျိုးတူ ထုတ်လုပ်ပြီး ပြည်တွင်း/ ပြည်ပသို့ရောင်းချခြင်း၊
(ခ) အရောင်းဆိုင်လုပ်ငန်းခွဲ

အသင်းပိုင်မြေ (၁၃'x ၄၀')၊ အာရ်စီနှစ်ထပ် (၄) ခန်းဖြင့် လူသုံး၊ အိမ်သုံး၊အလှကုန်၊ လျှပ်စစ်ပစ္စည်းများ၊ စားကုန်၊ စာရေးကိရိယာ၊ အိမ်သုံးဆေးဝါး၊ စက်ဘီးဆိုင်ကယ်နှင့်အပိုပစ္စည်းများ ရောင်းချခြင်း၊

GEC သမဝါယမအရောင်းဆိုင်လုပ်ငန်းခွဲဆောင်ရွက်မှုမှတ်တမ်း

(ဂ) ဘော်ဒါဆောင်လုပ်ငန်းခွဲ

အသင်းပိုင်မြေ (၄၅'x၃၁')ပေါ်တွင် အာရ်စီ (၃)ထပ်ဖြင့် အမျိုးသမီး(၄၂) ဦးထားရှိနိုင်ပါသည်။

GEC ဘော်ဒါဆောင်လုပ်ငန်းခွဲဆောင်ရွက်မှုမှတ်တမ်း

(ဃ) ဆေးရုံလုပ်ငန်းခွဲ

အသင်းပိုင်မြေ (၁၆၄'x ၇၇')ပေါ်တွင် အာရ်စီ(၃) ထပ်ခွဲ အဆောက်အဦတွင် အီးစီဂျီ၊ အန်ထရာဆောင်း၊ ဓါတ်မှန်ခန်း၊ ကွန်ပျူဖြင့် ဆီး၊ ဝမ်း၊ သလိပ်ရောဂါ ရှာဖွေစမ်းသပ်နိုင်ပြီး သားဖွား ခန်းများပါဝင်ကာ အထူးကုသမားတော်များဖြင့် ၂၄ နာရီ ဖွင့်လှစ်ပါ သည်။

GEC ဆေးရုံလုပ်ငန်းခွဲဆောင်ရွက်မှုမှတ်တမ်း

(င) အသေးစားအရင်းအနှီးချေးငွေလုပ်ငန်းခွဲ

အသင်းသားတစ်ဦးလျှင် ကျပ်(၂)သိန်းနှုန်း၊ အတိုးနှုန်း (၁.၂၅) ပြားနှုန်းဖြင့် အသင်းသားများသို့ ထုတ်ချေးဆောင်ရွက်ပါသည်။

(၂) အထွေထွေစီးပွားရေးသမဝါယမအသင်း

အထွေထွေစီးပွားရေးသမဝါယမအသင်း (၉၉၀)သင်းရှိပြီး အောင်မြင်နေသော အသင်းများအနက် ရန်ကုန်တိုင်းဒေသကြီး ခရမ်းစတိုးအထွေထွေစီးပွား ရေးလုပ်ငန်း သမဝါယမအသင်း၏ လုပ်ငန်းဆောင်ရွက်မှုအခြေအနေနှင့် မှတ်တမ်းဓါတ်ပုံများမှာ အောက်ပါအတိုင်းဖြစ်ပါသည်

(က) စတိုးဆိုင်လုပ်ငန်းခွဲ
(ကက) စတိုး(၁)

အသင်းစုပိုင်မြေပေါ်တွင် (၂၂.၅' x ၅၆') ရှိ အဆောက်  အဦမြေညီထပ်တွင် အလှကုန်၊ အရုပ်မျိုးစုံ၊ စာရေးကိရိယာ၊ စားသောက် ကုန်၊ ပလပ်စတစ်၊ ကြွေထည်၊ စတီးပစ္စည်းအမျိုးမျိုး၊ ပထမထပ်တွင် ထီး၊ ဖိနပ်၊ အိတ်၊ အားကစားပစ္စည်း၊ အဝတ်အထည် အမျိုးမျိုးနှင့် ဒုတိယထပ်တွင် လျှပ်စစ်ပစ္စည်း၊ လက်ကိုင်ဖုန်းများ၊ စက်ဘီးနှင့်ဘီရိုအမျိုးမျိုးကိုဝန်ထမ်း(၁၇)ဦးဖြင့် နံနက်(၇)နာရီမှညနေ (၅)နာရီ အထိ ရောင်းချပါသည်။
(ခခ) စတိုး (၂)

သမဝါယအသင်းပိုင်မြေ (၅၄'x ၃၆')ရှိ တစ်ထပ် အဆောက်အဦတွင် အလှကုန်၊ စားသောက်ကုန်၊ စာရေး ကိရိယာ၊ ထီး၊ ဖိနပ်၊ အိတ်၊ အရုပ်မျိုးစုံ၊ နာရီ၊ လျှပ်စစ်ပစ္စည်းနှင့် လူသုံးကုန်အမျိုးမျိုး ကို ရောင်းချပါသည်။

(ခ) အောင်ဘာလေထီရောင်းချရေးလုပ်ငန်းခွဲ

ပြည်တွင်းအခွန်ရုံးမှ တိုက်ရိုက်ရယူပြီး အခြားထီကိုယ်စားလှယ်ကြီးများနှင့် အပြိုင်လိုင်စင်ရယူပြီး ခရမ်းစတိုး(၁)၊ ခရမ်းစတိုး(၂) အရှေ့ဥပစာတွင် အောင်ဘာလေထီရောင်းချရေးလုပ်ငန်းကို ဆောင်ရွက်ပါသည်။

ခရမ်းစတိုးလုပ်ငန်းဆောင်ရွက်မှုမှတ်တမ်း

(၃) ရောင်းဝယ်ရေးသမဝါယမအသင်း

ရောင်းဝယ်ရေးသမဝါယမအသင်း(၁၆၆၇)သင်းရှိပြီး အောင်မြင်နေသောအသင်းများအနက် တနင်္သာရီတိုင်းဒေသကြီးကော့သောင်းမြို့နယ်သမဝါယမအသင်း စု၏ လုပ်ငန်းဆောင်ရွက်မှုအခြေအနေနှင့် မှတ်တမ်းဓါတ်ပုံများမှာ အောက်ပါ အတိုင်းဖြစ်ပြီးအသင်းစုပိုင်မြေပေါ်တွင် (၆၀' x ၄၀') ရှိ အဆောက်အဦတွင် ဆန်နှင့် လူသုံး ကုန်၊ အိမ်သုံးကုန်ပစ္စည်းမျိုးစုံ ဖွင့်လှစ်ရောင်းချလျက်ရှိပါသည်။

ကော့သောင်းမြို့နယ်သမဝါယမအသင်းစုရောင်းဝယ်ရေးလုပ်ငန်းမှတ်တမ်း

ကော့သောင်းမြို့နယ်သမဝါယမအသင်းစုရောင်းဝယ်ရေးလုပ်ငန်းမှတ်တမ်း

(၄) Cash Memo ပြေစာဖြင့်အသုံးပြု၍ အမှတ်တရပစ္စည်းရောင်းချလျက်ရှိသည့် သမဝါယမအသင်းများ

ချင်းပြည်နယ်၊ ပဲခူးတိုင်းဒေသကြီး၊မန္တလေးတိုင်းဒေသကြီး၊ ရန်ကုန်တိုင်းဒေသကြီးနှင့်ရှမ်းပြည်နယ်တို့တွင် Cash Memo ပြေစာဖြင့်အသုံးပြု၍ မြန်မာ့လက်မှုအနုပညာအမှတ်တရပစ္စည်းရောင်းချလျက်ရှိသော သမဝါယမအသင်း ဆိုင်(၄၃)ဆိုင်မှ အမှတ်တရပစ္စည်းရောင်းချရငွေ၏ ၁% ကိုနိုင်ငံတော်ဝင်ငွေ State Income အဖြစ်ပေးသွင်းလျက်ရှိပါသည်။ တိုင်းဒေသကြီးနှင့် ပြည်နယ်များတွင် အမှတ်တရပစ္စည်းအရောင်းဆိုင်များဖွင့်လှစ်ထားရှိမှုအခြေအနေမှာ အောက်ပါအတိုင်းဖြစ်ပါသည်။

• ချင်းပြည်နယ် (၁) ဆိုင်

• ပဲခူးတိုင်းဒေသကြီး (၃) ဆိုင်

• မန္တလေးတိုင်းဒေသကြီး (၁၉) ဆိုင်

• ရန်ကုန်တိုင်းဒေသကြီး (၁၈) ဆိုင်

• ရှမ်းပြည်နယ် (၂) ဆိုင်

• စုစုပေါင်း (၄၃) ဆိုင်

(၅) ပို့ကုန်သွင်းကုန်မှတ်ပုံတင်လက်မှတ်ရယူထားသော သမဝါယမအသင်းများ

တိုင်းဒေသကြီးနှင့်ပြည်နယ်များတွင် ပို့ကုန်သွင်းကုန်မှတ်ပုံတင်လက်မှတ်ရ ယူပြီးပို့ကုန်သွင်းကုန်လုပ်ငန်းများဆောင်ရွက်လျက်ရှိသောသမဝါယမအသင်း (၁၂၂)သင်းရှိပါသည်။(၂၀၂၄-၂၀၂၅)ဘဏ္ဍာနှစ်အတွင်း သမဝါယမအသင်း(၄)သင်း မှ CMP (Contract Manufacturing Process) ချုပ်ထည်များ၊ ကော်ဖီနှင့် နှမ်းတို့ကို ဂျပန်နိုင်ငံ၊ တောင်ကိုရီးယားနိုင်ငံ၊ ဆွစ်ဇာလန်နိုင်ငံနှင့်တရုတ်နိုင်ငံများသို့ တင်ပို့ဆောင်ရွက်၍စီမံကိန်းလျာထားချက်များ ပြည့်မီအောင် အကောင်အထည်ဖော်ဆောင်ရွက်လျက်ရှိရာ(၁-၄-၂၀၂၄)ရက်နေ့မှ (၃၀-၉-၂၀၂၄)ရက်နေ့အထိ အမေရိကန်ဒေါ်လာ(၃.၃၃၈)သန်းတင်ပို့ပြီးဖြစ်သဖြင့် ပြည်ပပို့ကုန်တင်ပို့မှု တစ်နှစ်လုံးလျာထားချက် အမေရိကန်ဒေါ်လာ(၂၉-၇၂၄)အပေါ်  (၁၁.၂ %) အကောင်အထည်ဖော် ဆောင်ရွက်ပြီးဖြစ်ပါသည်။