20 Dec,2024

မော်လမြိုင် ဒီဇင်ဘာ ၂၀

               မွန်ပြည်နယ်၊ မော်လမြိုင်မြို့နယ်၊ ကော့လှာကျေးရွာအုပ်စု၊ ဖဲထော်ကျေးရွာ (စံပြကျေးရွာ)ရှိ အိပ်မက်သစ် စိုက်ပျိုးရေးနှင့်အထွေထွေသမဝါယမအသင်းလီမိတက်မှ အသင်းသားတောင်သူများ၏ မိုးစပါးစိုက်ပျိုးထားရှိမှုအခြေအနေအား ပြည်နယ်သမဝါယမဦးစီးဌာနမှ ဒုတိယညွှန်ကြားရေးမှူးသည် ဦးစီးအရာရှိ(ပြည်နယ်)၊ မြို့နယ်ဦးစီးအရာရှိများနှင့်အတူ စပါးစိုက်ကွင်းများသို့ ကွင်းဆင်းကြည့်ရှုခဲ့ပြီး၊ အသင်းအမှုဆောင်များ၊ အသင်းသားတောင်သူများနှင့်တွေ့ဆုံ၍ သီးနှံစိုက်ပျိုးရိတ်သိမ်းရာတွင် ဆောင်ရွက်ရမည့် လိုအပ်ချက်များအ‌ပေါ် ဆွေးနွေးညှိနှိုင်းဆောင်ရွက်ခဲ့သည်။

           အိပ်မက်သစ် စိုက်ပျိုးရေးနှင့်အထွေထွေသမဝါယမအသင်းလီမိတက်အနေဖြင့် အသင်းသား (၁၁၂)ဦးရှိပြီး၊ မိုးစပါးစိုက်ဧက(၁၀၅၈)ဧကတွင် ဒေသမျိုးများဖြစ်သည့် ဆင်းသုခ၊ ရွှေတစ်ဆုပ်မျိုးများ ကို စိုက်ပျိုးထားရှိပြီး စပါးများ ရင့်မှည့်မည့် ဒီဇင်ဘာလနှင့် ဇန်နဝါရီလအတွင်း ရိတ်သိမ်းမည်ဖြစ် ကြောင်း သိရသည်။