23 Dec,2024

ဘားအံ ဒီဇင်ဘာ ၂၀

          ကရင်ပြည်နယ်၊ ဘားအံမြို့နယ် ဆန်စက်လုပ်ငန်းရှင်များသမဝါယမအသင်း၊ ဆီစက် လုပ်ငန်းရှင်များသမဝါယမအသင်း၊ ညီနောင်ရင်းသွင်းအားစု လုပ်ငန်းရှင်များသမဝါယမအသင်း တို့၏ (၂၀၂၃-၂၀၂၄)ဘဏ္ဍာရေးနှစ်အရပ်ရပ်ဆိုင်ရာအစည်းအဝေးကို ပြည်နယ်သမဝါယမ ဦးစီးဌာနအစည်းအဝေးခန်းမ၌ ကျင်းပခဲ့သည်။ အစည်းအဝေးသို့ ပြည်နယ်သမဝါယမဦးစီးမှူးနှင့် တာဝန်ရှိသူများ၊ အသင်းအမှုဆောင်များနှင့် အသင်းသားများတက်ရောက်ခဲ့သည်။

          အစည်းအဝေးတွင် ပြည်နယ်သမဝါယမဦးစီးမှူးက အသင်းများဖွံ့ဖြိုးတိုးတက်အောင် ကြိုးပမ်း၍ အကောင်အထည်ဖော်ဆောင်ရွက်ရန်နှင့် အသင်းဖွံ့ဖြိုးတိုးတက်ရေးနှင့် အသင်း၏ လုပ်ငန်းများ စနစ်တကျလုပ်ဆောင်ရန် ပြောကြားခဲ့သည်။ ထို့နောက် လုပ်ငန်းရှင်များ သမဝါယမအသင်း(၃)သင်းမှ ၂၀၂၃-၂၀၂၄ ဘဏ္ဍာရေးနှစ် ဒါရိုက်တာအဖွဲ့အစီရင်ခံစာ၊ နှစ်ချုပ်ဘဏ္ဍာရေးရှင်းတမ်းများနှင့် အသင်းစာရင်းစစ်အစီရင်ခံစာများကို ဖတ်ကြားရှင်းလင်းပြီး အသင်းသားများ၏ သဘောတူညီချက်ကို ရယူကာ သဘာပတိက အတည်ပြုခဲ့သည်။  ထို့နောက် ဆန်စက်လုပ်ငန်းရှင်များသမဝါယမအသင်း၏ အသင်းပိုင်ရန်ပုံငွေကျပ် ၄၅၀ သိန်းအား အသင်းသား(၅)ဦး၊  ဆီစက်လုပ်ငန်းရှင်များသမဝါယမအသင်း အသင်းပိုင်ရန်ပုံငွေကျပ် ၂၄၀ သိန်းအား အသင်းသား(၆)ဦး၊ ညီနောင်ရင်းသွင်းအားစု လုပ်ငန်းရှင်များသမဝါယမအသင်း၏ အသင်းပိုင်ရန်ပုံငွေများကို အသင်းသား(၃)ဦး ထုတ်ချေးခဲ့ကြောင်း သိရသည်။

 

သမဝါယမဦးစီးဌာန