မိတ္ထီလာ ဒီဇင်ဘာ ၁၉

 

မန္တလေးတိုင်းဒေသကြီး၊ မိတ္ထီလာခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန မိတ္ထီလာမြို့နယ်၊ မုန်ပင်ဆည်ကျေးရွာ၌ ကျေးလက်စီးပွားမြင့်မားရေးရန်ပုံငွေထူထောင်ခြင်းစီမံကိန်းဖြင့် နို့စားနွားမွေးမြူရေးလုပ်ငန်းအကောင်အထည်ဖော် ဆောင်ရွက်နေမှု အခြေအနေများကို ယနေ့နံနက်ပိုင်းကကွင်းဆင်းစစ်ဆေးခဲ့ကြောင်းသိရသည်။

 

ထိုသို့ကွင်းဆင်းစစ်ဆေးရာတွင် မိတ္ထီလာခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်မြင့်ဝင်း၊ မိတ္ထီလာမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးချမ်းငြိမ်းဝင်းနှင့် စီမံကိန်းတာဝန်ခံဝန်ထမ်းများက ကျေးရွာစီမံကိန်းလုပ်ငန်းအဖွဲ့ဝင်များနှင့်တွေ့ဆုံ၍ မုန်ပင်ဆည်ကျေးရွာ၌ နို့စားနွားမွေးမြူရေးလုပ်ငန်းများအကောင်အထည် ဖော်ဆောင်ရွက်နေမှု အခြေအနေများကို ကွင်းဆင်းစစ်ဆေးကြည့်ရှုပြီး ခရိုင်ဦးစီးမှူးက လုပ်ငန်းများအောင်မြင်အောင် အကောင်အထည်ဖော်ဆောင်ရွက်ကြရန်နှင့် အခက်အခဲများရှိပါက အချိန်နှင့်တပြေးညီ တင်ပြသွားကြရန် ဆွေးနွေးမှာကြားပါသည်။

 

အဆိုပါ မုန်ပင်ဆည်ကျေးရွာ၌ ကျေးလက်စီးပွားမြင့်မားရေးရန်ပုံငွေထူထောင်ခြင်းစီမံကိန်းကို ၂၀၂၄-၂၀၂၅ခု ဘဏ္ဍာရေးနှစ်တွင် ငွေကျပ်သိန်း ၃၀၀ ဖြင့် စတင်အကောင်အထည်ဖော်ဆောင်ရွက်လျက်ရှိပြီး အစုအဖွဲ့ လေးဖွဲ့မှ သမဝါယမအစုအဖွဲ့ပုံစံဖြင့် နိုင်ငံခြားမျိုး(ဖရီရှန်) နို့စားနွားမွေးမြူခြင်းကို တစ်ဖွဲ့လျှင် သုံးကောင်စီဖြင့် စုစုပေါင်းလေးဖွဲ့မှ (၁၂)ကောင် မွေးမြူထားကြောင်း မိတ္ထီလာမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူးထံမှ သိရသည်။