09 Dec,2024

ရပ်စောက် ဒီဇင်ဘာ ၇

             ရှမ်းပြည်နယ်(တောင်ပိုင်း) ရပ်စောက်မြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ၂၀၂၄- ၂၀၂၅ ဘဏ္ဍာနှစ် ပြည်နယ်ငွေလုံးငွေရင်းရန်ပုံငွေဖြင့် ပင်ဖြစ်-ကန်တော် မြေနီကုန်း-ဖောင်းပြား ကျောက်ချောလမ်းအား ကတ္တရာလမ်းသို့ အဆင့်မြှင့်တင်ခြင်းလုပ်ငန်းများ ဆောင်ရွက်နေမှုအခြေအနေများကို ဒီဇင်ဘာလ ၇ နံနက်

ပိုင်းတွင် တာဝန်ရှိသူများက ကွင်းဆင်းစစ်ဆေးကြောင်းသိရသည်။

           ထိုသို့ ကွင်းဆင်းစစ်ဆေးရာတွင် ရှမ်းပြည်နယ်(တောင်ပိုင်း) ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးမျိုးမင်းသန့်၊ တောင်ကြီးခရိုင် လက်ထောက်ညွှန်ကြားရေးမှူး( မြို့ပြ ) ဦးဟန်ကိုကိုစိုးနှင့် တာဝန်ခံအင်ဂျင်နီယာဝန်ထမ်းများက ပင်ဖြစ်-ကန်တော်-မြေနီကုန်း-ဖောင်းပြား ကျောက်ချောလမ်း အရှည် ၄ ဖာလုံ၊ အကျယ် ၁၂ ပေ၊ ထု ၉ လက်မရှိ ကတ္တရာလမ်းခင်းခြင်းလုပ်ငန်းများ ဆောင်ရွက်နေမှုအခြေအနေများကို ကြည့်ရှုစစ်ဆေးသည်။

           အဆိုပါ ပင်ဖြစ်-ကန်တော်-မြေနီကုန်း- ဖောင်းပြား ကျောက်ချောလမ်းမှ ကတ္တရာ လမ်းသို့ အဆင့်မြှင့်တင်ခြင်းလုပ်ငန်းကို ၂၀၂၄-၂၀၂၅ ဘဏ္ဍာနှစ် ပြည်နယ် ငွေလုံးငွေရင်း ခွင့်ပြုရန်ပုံငွေကျပ် ၁၃၃ ဒသမ ၇၅၆ သန်းဖြင့် အကောင်အထည်ဖော်ဆောင်ရွက်ခဲ့ရာ ယခုအခါ လုပ်ငန်းများအားလုံး၏ ၆၀ ရာခိုင်နှုန်းခန့် ဆောင် ရွက်ပြီးစီးနေပြီဖြစ်ပြီး ရာနှုန်းပြည့် ဆောင်ရွက်ပြီးစီးပါက ကျေးရွာ ကိုးရွာရှိ အိမ်ခြေ ၂၀၂၄ အိမ်၊ လူဦးရေ ၉၃၃၈ ဦးကို အကျိုးပြုမည်ဖြစ်ကြောင်း သိရသည်။

မောင်ခိုင်