09 Dec,2024

သရက် ဒီဇင်ဘာ ၆

မကွေးတိုင်းဒေသကြီး သရက်ခရိုင်အစိုးရဝန်ထမ်းပေါင်းစုံသမဝါယမအသင်းလီမိတက် ၏ ၂၀၂၃-၂၀၂၄ ဘဏ္ဍာနှစ် အရပ်ရပ်ဆိုင်ရာအစည်းအဝေးကို ဒီဇင်ဘာ ၄ ရက်နေ့ နံနက် (၉)နာရီအချိန်က သရက်မြို့ ရွှေစင်ငွေစင်ခန်းမ၌ ကျင်းပခဲ့ကြောင်း သိရသည်။

အဆိုပါအစည်းအဝေးတွင်  သရက်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမြတ်ထွန်းက အမှာစကားပြောကြားခဲ့ပြီး ၂၀၂၃-၂၀၂၄ ပညာသင်နှစ် တက္ကသိုလ်ဝင်တန်းစာမေးပွဲတွင် ဂုဏ်ထူးဖြင့် အောင်မြင်ခဲ့ကြသည့် ကျောင်းသား/ကျောင်းသူများအား ဆုများ ပေးအပ်ချီးမြှင့် ခဲ့သည်။ အစည်းအဝေးတွင် သဘာပတိ ဦးသောင်းထိုက်နှင့် သရက်မြို့နယ်သမဝါယမ ဦးစီးမှူး ဒေါ်စန်းစန်းထွေးတို့က အမှာစကားပြောကြားကြပြီး ဒါရိုက်တာအဖွဲ့၏ ၂၀၂၃-၂၀၂၄ ဘဏ္ဍာနှစ်အတွက် လုပ်ငန်းဆောင်ရွက်ချက်အစီရင်ခံစာဖတ်ကြားခြင်း၊ အသင်း၏ ရှေ့လုပ်ငန်းစဉ်များ ဆွေးနွေးတင်ပြခြင်း၊ နှစ်ချုပ်စာရင်းရှင်းတမ်းနှင့် အမြတ်ခွဲဝေစာရင်းကို ဖတ်ကြားခြင်း၊ အသင်းသားများက အကြံပြုရှင်းလင်းခြင်းများ ဆောင်ရွက်ကြပြီး ရှေ့လုပ်ငန်းစဉ်များအတွက် ဆုံးဖြတ်ချက်များ ချမှတ်ဆောင်ရွက်ခဲ့ကြကြောင်း သိရသည်။

ဇော်ထက်(သရက်)

မကွေးတိုင်းဒေသကြီး