09 Dec,2024

လွိုင်လင် ဒီဇင်ဘာ ၃

ရှမ်းပြည်နယ်(တောင်ပိုင်း) လွိုင်လင်မြို့နယ်သမဝါယမအသင်းစုလီမိတက်၏ ၂၀၂၃ -၂၀၂၄ ဘဏ္ဍာနှစ်အတွက် နှစ်ပတ်လည်အရပ်ရပ်ဆိုင်ရာအစည်းအဝေးကို ဒီဇင်ဘာ ၂ ရက်နေ့ နံနက်ပိုင်းက မြို့နယ်သမဝါယမဦးစီးဌာနရုံးအစည်းအဝေးခန်းမ၌ ကျင်းပခဲ့သည်။

ရှေးဦးစွာ သဘာပတိ ဦးခင်မောင်ကြည်၊ မြို့နယ်သမဝါယမဦးစီးဌာန မြို့နယ် ဦးစီးမှူး ဒေါ်တင်တင်လှတို့က အသီးသီးအမှာစကား ပြောကြားခဲ့ကြသည်။ ထို့နောက် ဒါရိုက်တာအဖွဲ့၏ ၂၀၂၃ -၂၀၂၄ ဘဏ္ဍာနှစ်အတွက် လုပ်ငန်းအစီရင်ခံစာ၊ စာရင်းစစ်အဖွဲ့၏ ဘဏ္ဍာရေးရှင်းတမ်းများကို တာဝန်ရှိသူများမှ ဖတ်ကြားခြင်း၊ အသင်းသားများမှ အကြံပြု ဆွေးနွေးခြင်း၊ အတည်ပြုချက်ရယူခြင်းတို့ကို အစီအစဉ်အတိုင်း ဆောင်ရွက်ကြပြီးနောက် အသင်းဝင်အသင်းသားများသို့ အစုပေါ်အမြတ်ငွေကို မြို့နယ်ဦးစီးမှူးမှ ပေးအပ်ပြီးနောက် သဘာပတိက နိဂုံးချုပ်အမှာစကားပြောကြားကာ အစည်းအဝေးကို အောင်မြင်စွာပြီးမြောက် ခဲ့ကြောင်း သိရသည်။ အဆိုပါအခမ်းအနားသို့ ဖိတ်ကြားထားသူများ၊ အသင်းသားများ တက်ရောက်ခဲ့ကြကြောင်း သိရသည်။

လွိုင်လင်မိုး

ရှမ်းပြည်နယ်