29 Nov,2024

တောင်ကြီး နိုဝင်ဘာ 2၉

          ရှမ်းပြည်နယ်တောင်ပိုင်း/အရှေ့ပိုင်းသမဝါယမအသင်းလီမိတက်၏ 2023 –2024 ဘဏ္ဍာရေး နှစ်အတွက် နှစ်ပတ်လည်အရပ်ရပ်ဆိုင်ရာအစည်းအဝေးကို ယနေ့နံနက်ပိုင်းက ရှမ်းပြည်နယ် တောင်ပိုင်း/ အရှေ့ပိုင်းသမဝါယမအသင်းစုချုပ်ခန်းမတွင် ကျင်းပပြုလုပ်ရာ သဘာပတိအဖြစ် ဥက္ကဋ္ဌ ဒေါ်သန်းညိုမှ ‌ဆောင်ရွက်ခဲ့သည်။ အစည်းအဝေးတွင် ဥက္ကဋ္ဌ မှ 2023-2024 ဘဏ္ဍာရေး နှစ်အတွင်း လုပ်ငန်းဆောင်ရွက်မှု အခြေအနေများကို ရှင်းလင်းဆွေးနွေးခဲ့ပြီး ရှမ်းပြည်နယ်သမဝါယမဦးစီးဌာန၊ ပြည်နယ်ဦးစီးမှူး ဦးကျော်မိုးတင့် မှ သမဝါယမအသင်းများ နှင့်ပတ်သက်သည့် အသင်းစည်းကမ်း၊ ဥပဒေ၊ လုပ်ထုံး/လုပ်နည်း၊ ညွှန်ကြားချက်များမှာကြားခဲ့သည်။

          ဆက်လက်ပြီး ဒါရိုက်တာအဖွဲ့၏ လုပ်ငန်းဆောင်ရွက်ချက် အစီရင်ခံစာ၊ ဘဏ္ဍာရေးနှစ်ချုပ် စာရင်းများ၊ အမြတ်ခွဲဝေစာရင်းများနှင့် အသင်းသားစာရင်းစစ် အစီရင်ခံစာတို့အား ဖတ်ကြားရှင်းလင်း ခြင်း၊ ဦးစီးကော်မတီဝင်များ၏ အကြံပြုချက်များကို ပြန်လည်ဆွေးနွေးခြင်း၊ ရှေ့လုပ်ငန်းစဉ်များ ချမှတ်ခြင်းနှင့် အတည်ပြုချက်ရယူခြင်းတို့ကို ဆောင်ရွက်ခဲ့ကြပြီး အဆိုပါအစည်းအဝေးသို့ ရှမ်းပြည်နယ်သမဝါယမဦးစီးဌာနမှ ပြည်နယ်ဦးစီးမှူးနှင့်တာဝန်ရှိသူများ၊ အသင်းစုချုပ်ဥက္ကဋ္ဌနှင့် အမှုဆောင်များ၊ အသင်းဝင်ကိုယ်စားလှယ်စုစုပေါင်း(60) ဦးတက်ရောက်ခဲ့ကြောင်း သိရသည်။