02 Dec,2024

ဘားအံမြို့နယ် ရဲသာတူးမြောင်းမှ ကမော့ကစင်ကျေးရွာအထိ ကုန်ထုတ်လမ်းဖောက်လုပ်နေမှုကွင်းဆင်းစစ်ဆေး

ဘားအံ ဒီဇင်ဘာ ၂

ကရင်ပြည်နယ်၊ ဘားအံမြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနက ဒေသထုတ်ကုန်များ ဈေးကွက်သို့ လွယ်ကူချောမွေ့စွာ သယ်ယူပို့ဆောင်နိုင်စေရန် ရည်ရွယ်၍ ရဲသာတူးမြောင်းမှ ကမော့ကစင်ကျေးရွာအထိ ကျေးလက်ကုန်ထုတ်လမ်း ဖောက်လုပ်ခြင်းလုပ်ငန်း ဆောင်ရွက်နေမှုအခြေအနေများကို ဒီဇင်ဘာလ ၁  ရက်နေ့နံနက်ပိုင်းက ဒုတိယညွှန်ကြားရေးမှူး (နည်းပညာ)ဒေါ်ခင်ဇာဝင့်နှင့် တာဝန်ရှိသူများ ကွင်းဆင်းစစ်ဆေးခဲ့ကြောင်းသိရသည်။

ထိုသို့ကွင်းဆင်းစစ်ဆေးရာတွင် ကရင်ပြည်နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဒုတိယညွှန်ကြားရေးမှူး(နည်းပညာ) ဒေါ်ခင်ဇာဝင့်၊ ခရိုင်/မြို့နယ်မှတာဝန်ရှိသူများနှင့်  မြို့နယ်တာဝန်ခံအင်ဂျင်နီယာဝန်ထမ်းများက ကုန်ထုတ်လမ်း ဖြစ်မြောက်ရေး ကော်မတီဝင်များနှင့်အတူ ကုန်ထုတ်လမ်း ဖောက်လုပ်နေမှုအခြေအနေ များကို ကြည့်ရှု့စစ်ဆေးပြီး ဒုတိယညွှန်ကြားရေးမှူး(နည်းပညာ)က ကုန်ထုတ်လမ်းအား သတ်မှတ်ရက်အတွင်း အရည်အသွေးပြည့်မီစွာဖြင့် အချိန်မီပြီးစီးရေး အလေးထားဆောင်ရွက်ကြရန် မှာကြားသည်။

ရဲသာတူးမြောင်းမှ ကမော့ကစင်ကျေးရွာအထိ ကျေးလက်ကုန်ထုတ်လမ်းသည် အရှည် ၂ ဖာလုံ၊ အကျယ် ၁၂ ပေ၊ ထု ၃ ပေ ၉ လက်မ မြေ+ရိစာလမ်းပေါ်တွင်  အရှည် ၅ပေ၊ အကျယ်၂၄ပေ၊ အမြင့် ၅ပေ Box Culvert (၁)စင်း၊ အရှည် ပေ ၃၀ အကျယ် ၁၄ပေ၊ထု ၈ လက်မ ကွန်ကရစ်တံတား(၁)စင်းအား ၂၀၂၄-၂၀၂၅ ဘဏ္ဍာရေးနှစ် ပြည်အစိုးရခွင့်ပြု ရန်ပုံငွေကျပ် ၁၀၇ ဒသမ ၂၄ သန်းဖြင့် ဒေါနကြယ်စင်ကုမ္ပဏီမှ ၂၀၂၄ ခုနှစ် ဇွန်လ ဒုတိယအပတ်က စတင်တာဝန်ယူ ဖောက်လုပ်ခဲ့ရာ လက်ရှိတွင် လုပ်ငန်းများ ၇၀ ရာခိုင်နှုန်း ပြီးစီးနေပြီဖြစ်သဖြင့် အဆိုပါ ကုန်ထုတ်လမ်းဖောက်လုပ်ပြီးစီးပါကကျေးရွာရှိ လယ်ဧက ၅၀၀ ကျော်မှ ထွက်ရှိလာမည့် ဒေသထွက်ကုန်များကို ဈေးကွက်သို့ လွယ်ကူချောမွေ့စွာ သွယ်ယူပို့ဆောင်နိုင်တော့မည်ဖြစ်ကြောင်း ကရင်ပြည်နယ်ကျေးကျေးလက်ဒေသ ဖွံ့ဖြိုးတိုးတက်ရေးဦးစီးဌာန ဒုတိယညွှန်ကြား ရေးမှူး (နည်းပညာ) ဒေါ်ခင်ဇာဝင့်ထံကသိရသည်။