18 Nov,2024

မိတ္ထီလာ နိုဝင်ဘာ ၁၄

မန္တလေးတိုင်းဒေသကြီးသမဝါယမအသင်းစုချုပ်နှင့် စမ်းဝတီမွေးမြူရေးနှင့် မြေဩဇာထုတ်လုပ်ရေးသမဝါယမအသင်းတို့ ပူးပေါင်းထုတ်လုပ်သော ကွန်ပေါင်းဓါတ် မြေဩဇာမိတ်ဆက်ပွဲအခမ်းအနားကို နိုဝင်ဘာ ၁၂ ရက်က မိတ္ထီလာမြို့သမဝါယမ အသင်းစုရုံးခန်းမတွင် ကျင်းပခဲ့ကြောင်း သိရသည်။

အဆိုပါအခမ်းအနားတွင် ဦးစွာ မန္တလေးတိုင်းဒေသကြီးသမဝါယမအသင်းစုချုပ် ဥက္ကဋ္ဌ ဦးထွန်းလှိုင်က အဖွင့်အမှာစကားပြောကြားသည်။ ထို့နောက် မြို့နယ်စိုက်ပျိုးရေး ဦးစီးဌာနမှ ဒုတိယဦးစီးမှူး ဦးမိုးကျော်က ရေဆင်း(၁)စပ်မျိုးနေကြာမျိုးစေ့နှင့် စပ်လျဉ်း ၍ စိုက်ပျိုးနည်းစနည်းများအကြောင်းကို ရှင်းလင်းဆွေးနွေးပြီး စမ်းဝတီမွေးမြူရေးနှင့် မြေဩဇာထုတ်လုပ်ရေးသမဝါယမအသင်းဥက္ကဋ္ဌဦးမျိုးထက်ဝင်းက  မန္တလေးတိုင်းဒေသကြီး သမဝါယမအသင်းစုချုပ်နှင့် အဆိုပါသမဝါယမအသင်းတို့ ပူးပေါင်းထုတ်လုပ်သော ကွန်ပေါင်းဓါတ်မြေဩဇာများနှင့်စပ်လျဉ်း၍ သုံးစွဲပုံနည်းစနစ်များအကြောင်း ရှင်းလင်း ပြောကြားသည်။ ဆက်လက်၍ တက်ရောက်လာကြသည့် အသင်းသားတောင်သူများက သိရှိလိုသည်များကို မေးမြန်းကြရာ တာဝန်ရှိသူများက  ပြန်လည်ရှင်းလင်းဖြေကြားခဲ့ပြီး တိုင်းဒေသကြီးသမဝါယမအသင်းစုချုပ်ဥက္ကဋ္ဌက နိဂုံးချုပ်အမှာစကားပြောကြားခဲ့ကြောင်း သိရသည်။

ချမ်းသာ

မန္တလေးတိုင်းဒေသကြီး