18 Nov,2024

သာယာဝတီ နိုဝင်ဘာ ၁၃

ပဲခူးတိုင်းဒေသကြီး၊ သာယာဝတီမြို့နယ် မကျီးကွင်းကျေးရွာ၌ ၂၀၂၄-၂၀၂၅ ဘဏ္ဍာနှစ် တွင်  မြို့နယ်သမဝါယမအသင်းစုမှ နိုင်ငံ့စီးပွားမြှင့်တင်ရေးရန်ပုံငွေဖြင့် ရယူဆောင်ရွက်သည့် မာလာဖူးစိုက်ပျိုးရေးနှင့်အထွေထွေလုပ်ငန်းသမဝါယမအသင်းမှ အသင်းသားဦးစိန်ဝင်း၏ လယ်ဧကများတွင် စိုက်ပျိုးခဲ့သည့် ဗီယမ်နမ်(ဆာဖိုးသာ) မိုးစပါးများ ရိတ်သိမ်းခဲ့သည်။

သာယာဝတီမြို့နယ် နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်သည့် သမဝါယမ အသင်းလေးသင်းရှိပြီး လယ်ဧက ၂၀၀၀ ဧကတွင် ဆောင်ရွက်သည့်အနက် မကျီးကွင်းကျေးရွာ မာလာဖူးစိုက်ပျိုးရေးနှင့် အထွေထွေလုပ်ငန်းသမဝါယမအသင်းမှ အသင်းသားဦးစိန်ဝင်း၏ လယ်ငါးဧကကို စတင်ရိတ်သိမ်းခဲ့ရာ တစ်ဧကလျှင် စပါး ၁၀၁ တင်း ထွက်ရှိပြီး စုစုပေါင်း ငါးဧကအတွက် ၅၀၅ တင်း ထွက်ရှိသည်။

အဆိုပါ မိုးစပါးရိတ်သိမ်းနေမှုကို မြို့နယ်သမဝါယမဦးစီးဌာနနှင့် မြို့နယ်သမဝါယမ အသင်းစုမှ တာဝန်ရှိသူများက သွားရောက်ကြည့်ရှုခဲ့ကြောင်း သိရသည်။