04 Nov,2024

အုတ်ဖို နိုဝင်ဘာ ၄

ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ်သမဝါယမဦးစီးဌာနနှင့် မြို့နယ် သမဝါယမအသင်းစုလီမီတက်တို့၏ သမဝါယမကဏ္ဍမှ ဆောင်းဆီထွက်သီးနှံ(နေကြာမျိုး) ပေးအပ်ပွဲအခမ်းအနားကို မြို့နယ်အထွေထွေအုပ်ချုပ်ရေးဦးစီးဌာနတွင် ကျင်းပပြုလုပ်ခဲ့သည်။

အခမ်းအနားတွင် ဒုတိယမြို့နယ်အုပ်ချုပ်ရေးမှူး ဦးရန်ပိုင်ဖြိုး၊ မြို့နယ်သမဝါယမဦးစီးဌာနမှ ဦးစီးအရာရှိဒေါ်ကေခိုင်ဝင်းနှင့် စိုက်ပျိုးရေးဦးစီးဌာနမှ ဦးစီးအရာရှိ ဦးအောင်ကျော်သိန်းတို့က နေကြာစိုက်ပျိုးမည့်တောင်သူများ၏ လိုအပ်ချက်များကို ပေါင်းစပ်ညှိနှိုင်းဆွေးနွေးဆောင်ရွက်ကြ သည်။ ထို့နောက် နေကြာစိုက်ပျိုးမည့် ဂုံညင်းတန်းကျေးရွာ၊ မှက္ကဒန်ကျေးရွာနှင့် တက်ဆွဲ ကျေးရွာတို့မှ စိုက်ပျိုးရေးနှင့်အထွေထွေသမဝါယမအသင်းသားတောင်သူ(၉၀)ဦး၏ ဧက(၄၀၀) အတွက် (၂)ဧကလျင် ရေဆင်းစပ်မျိုး (၁) နေကြာမျိုး (၁)အိတ်နှုန်းဖြင့် နေကြာမျိုးအိတ်(၂၀၀)ကို တောင်သူများလက်ဝယ်အရောက် ထောက်ပံပေးအပ်ခဲ့ကြောင်း သိရသည်။

အောင်သူ (အုတ်ဖို)

ပဲခူးတိုင်းဒေသကြီး