18 Aug,2022

နေပြည်တော် ဩဂုတ် ၁၈

          သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုဝန်ကြီး ဦးလှမိုးသည် ယနေ့ နံနက်ပိုင်းက အဆိုပါဝန်ကြီးဌာန၊ စုပေါင်းအစည်းအဝေးခန်းမ၌ ကျင်းပပြုလုပ်သော သမဝါယမ ကဏ္ဍမှ ဆောင်ရွက်မည့် ကန်ထရိုက်လယ်ယာစနစ်ဖြင့် စပါး/ ပဲတီစိမ်း စိုက်ပျိုးထုတ်လုပ်ခြင်း အစည်းအဝေးသို့ တက်ရောက် အမှာစကား ပြောကြားသည်။

          အစည်းအဝေးသို့ ဒုတိယဝန်ကြီး ဦးမြင့်စိုး၊ ညွှန်ကြားရေးမှူးချုပ်များ၊ ဒုတိယညွှန်ကြားရေး မှူးချုပ်များ၊ ပြည်နယ်နှင့် တိုင်းဒေသကြီးတို့မှ ညွှန်ကြားရေးမှူးများ၊ ကန်ထရိုက်လယ်ယာ အကျိုးတူ ဆောင်ရွက်မည့် ကုမ္ပဏီများမှ ကိုယ်စားလှယ်များနှင့် တာဝန်ရှိသူများ တက်ရောက်ကြသည်။

          ရှေးဦးစွာ သမဝါယမကဏ္ဍမှ ကန်ထရိုက်လယ်ယာစနစ်ဖြင့် စပါး/ ပဲတီစိမ်း စိုက်ပျိုးထုတ် လုပ်ရေးအစည်းအဝေး၌ ပြည်ထောင်စုဝန်ကြီး ဦးလှမိုးက နိုင်ငံတော်စီမံအုပ်ချုပ်ရေးကောင်စီ အနေဖြင့် နိုင်ငံ့စီးပွားမြှင့်တင်ရေး ရန်ပုံငွေထူထောင်ပြီး နိုင်ငံ့စီးပွားရေး မြင့်မားလာစေရန်နှင့် ကျေးလက်နေပြည်သူများ၏ လူမှုစီးပွားဘဝနှင့် စီးပွားရေး မြင့်တက်လာစေရေးအတွက် ရည်မှန်း ဆောင်ရွက်လျက် ရှိပါကြောင်း၊ မိမိတို့ဝန်ကြီးဌာနအနေဖြင့် စပါးနှင့် ပဲတီစိမ်းအတွက် စိုက်ပျိုး စရိတ်ရရှိရေး ကန်ထရိုက်လယ်ယာစနစ် ဆောင်ရွက်ကြမည့်ကုမ္ပဏီများ၊ သမဝါယမအသင်းများကို ဘဏ္ဍာရေး လုပ်ထုံးလုပ်နည်းများနှင့်အညီ စိစစ်ထောက်ခံ ဆောင်ရွက်ပေးသွားမည် ဖြစ်ပါကြောင်း၊ ကန်ထရိုက်လယ်ယာစနစ် ဆောင်ရွက်ခြင်းကို စပါးစိုက်ပျိုးရေးကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက Focal အဖြစ် ဆောင်ရွက်မည်ဖြစ်ကြောင်း၊ အမှန်တကယ် စိုက်ပျိုး သည့် တောင်သူများအား ကွင်းဆင်းစာရင်းကောက်ယူခြင်း၊ အကျိုးတူလယ်ယာစနစ် ဆောင်ရွက် ခြင်း၏ အကျိုးကျေးဇူးများအား ရှင်းလင်းဆွေးနွေး၍ အမှန်တကယ် လုပ်ငန်းဆောင်ရွက်ပြီး ဦးဆောင်မှု ပြုနိုင်သူများကို ဒါရိုက်တာအဖွဲ့ဝင်အဖြစ် ရွေးချယ်၍ ကျေးရွာသမဝါယမအသင်း ဖွဲ့စည်းခြင်းတို့ကို ဆောင်ရွက်ကြရမည်ဖြစ်ပါကြောင်း၊ လိုအပ်သော မျိုး၊ မြေဩဇာ၊ စိုက်ပျိုး စရိတ်များရရှိရေး ချိတ်ဆက်ဆောင်ရွက်ပေးခြင်း၊ စာချုပ်ချုပ်ဆို ဆောင်ရွက်ခြင်း၊ စာရင်းဇယားများ စနစ်တကျထားရှိရေးနှင့် ကိုယ်တိုင်စာရင်းရေးဆွဲခြင်းတို့ကို ဆောင်ရွက်သွားမည် ဖြစ်ပါကြောင်း။

              သမဝါယမကဏ္ဍ အကျိုးတူလယ်ယာစနစ် ဆောင်ရွက်မည့် ကုမ္ပဏီ(သို့မဟုတ်) သမဝါယမအသင်းမှ စပါး/ ပဲတီစိမ်း စိုက်ပျိုးထုတ်လုပ်ရေးစီမံကိန်းတွင် ပါဝင်သည့် ကျေးရွာ သမဝါယမအသင်းများအား Refund ရရှိအောင် ဆောင်ရွက်ပေးပြီး ဖြစ်ပေါ်လာသည့် အကျိုးအမြတ် ငွေများကို ရာသီ/ အချိန်အလိုက် အသင်းသားများအား ထိထိရောက်ရောက် ခွဲဝေပေးခြင်း၊ အသင်း ၏ ရှယ်ယာများတိုးမြှင့်ပေးခြင်း၊ အသင်း၏ စီးပွားရေးလုပ်ငန်းတွင် ပြန်လည်သတ်မှတ် ထည့်ဝင် စေခြင်း၊ အုပ်ချုပ်မှုစရိတ်ထားရှိခြင်းတို့ကိုလည်း ဆောင်ရွက်ကြရန် မှာကြားလိုပါကြောင်း၊ လုပ်ငန်း များ ဆောင်ရွက်သည့်အခါ လက်တွေ့ကျကျ အမှန်တကယ် လုပ်ဆောင်ကြရန်နှင့် တာဝန်ရှိသူများ အနေဖြင့် အမြဲမပြတ် ကွင်းဆင်းထိတွေ့ပြီး ဆောင်ရွက်သွားကြရန် တိုက်တွန်းလိုပါကြောင်း၊ တိုင်းဦးစီးမှူးများ၊ မြို့နယ်ဦးစီးမှူးများနှင့် တာဝန်ကျဝန်ထမ်းများ အနေဖြင့် စီမံကိန်းကျေးရွာများ သို့ စိုက်ကြပ်အဖွဲ့များကဲ့သို့ အမြဲတမ်းကွင်းဆင်း၍ အသင်းတာဝန်ရှိသူများ၊ တောင်သူလယ်သမား များနှင့် ထိတွေ့ဆောင်ရွက်နေကြရန် လိုအပ်မည်ဖြစ်ပါကြောင်း၊ နိုင်ငံ့စီးပွားမြှင့်တင်ရေး ရန်ပုံငွေ ဖြင့် ဆောင်ရွက်သည့် လုပ်ငန်းဖြစ်သည့်အတွက် အမှားအယွင်း မရှိစေရေး ဆောင်ရွက်ကြရန် မှာကြားလိုပါကြောင်း၊

              သမဝါယမအသင်းများ ဖွဲ့စည်း၍ ရည်မှန်းချက်အောင်မြင်အောင် ဆောင်ရွက်ရမည်ဖြစ် ကြောင်း၊ လိုအပ်သည့် သွင်းအားစုများရရှိနိုင်ရေး သမဝါယမအသင်းအမှုဆောင်များမှ ကြီးကြပ် ဆောင်ရွက်ရမည် ဖြစ်ကြောင်း၊ လုပ်ငန်းများအောင်မြင်ရေးအတွက် အခြားဦးစီးဌာနများနှင့် ပေါင်းစပ်ညှိနှိုင်းပြီး တာဝန်ရှိသူအသီးသီးက မဆုတ်မနစ် ကြိုးပမ်းဆောင်ရွက်ကြရန် ပြောကြား ပါသည်။

              ဆက်လက်၍ ဒုတိယဝန်ကြီး ဦးမြင့်စိုးက ပြည်ထောင်စုဝန်ကြီး၏ လမ်းညွှန်မှာကြားချက် များနှင့်အညီ လုပ်ငန်းများ အကောင်အထည်ဖော် ဆောင်ရွက်ရာတွင် အောင်မြင်နိုင်ရေးအတွက် ပေါင်းစပ်ညှိနှိုင်း ဆောင်ရွက်ရမည်များကို ဖြည့်စွက်မှာကြားပါသည်။

              ထို့နောက် သမဝါယမဦးစီးဌာန၊ ညွှန်ကြားရေးမှူးချုပ်က လုပ်ငန်းများ ဆောင်ရွက်မည့် အစီအစဉ်များကိုလည်းကောင်း၊ တိုင်းဒေသကြီးနှင့် ပြည်နယ် ညွှန်ကြားရေးမှူးများက မိမိတို့ သက်ဆိုင်ရာကဏ္ဍများအလိုက် ပေါင်းစပ်ညှိနှိုင်းဆောင်ရွက်သွားမည့် လုပ်ငန်းများကိုလည်းကောင်း အသီးသီး ရှင်းလင်းတင်ပြခဲ့ကြပါသည်။

ဆက်လက်၍ စားသုံးဆီဖူလုံရေးအတွက် ဆီထွက်သီးနှံတိုးချဲ့စိုက်ပျိုးရေး လုပ်ငန်းဆောင် ရွက်မှု ညှိနှိုင်းအစည်းအဝေးကို အဆိုပါဝန်ကြီးရုံး၊ အစည်းအဝေးခန်းမ၌ ကျင်းပပြုလုပ်ရာ ပြည်ထောင်စုဝန်ကြီး ဦးလှမိုး၊ ဒုတိယဝန်ကြီး ဦးမြင့်စိုး၊ အမြဲတမ်းအတွင်းဝန်၊ ညွှန်ကြားရေးမှူး ချုပ်များ၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် တာဝန်ရှိသူများ တက်ရောက် ကြသည်။

ရှေးဦးစွာ ပြည်ထောင်စုဝန်ကြီး ဦးလှမိုးက အဖွင့်အမှာစကားပြောကြားရာတွင် မြန်မာနိုင်ငံ တွင် ပြည်ပမှ စားသုံးဆီတင်သွင်းမှု လျော့ချစေရေးနှင့် ပြည်တွင်းစားသုံးဆီ ဖူလုံစေရေးအတွက် နေကြာအပါအဝင် ဆီထွက်သီးနှံ တိုးချဲ့စိုက်ပျိုးနိုင်စေရန် ရည်ရွယ်၍ “စားသုံးဆီဖူလုံရေးအတွက် ဆီထွက်သီးနှံများ တိုးချဲ့စိုက်ပျိုးရေးကော်မတီ” ကို နိုင်ငံတော်စီမံအုပ်ချုပ်ရေးကောင်စီက ဖွဲ့စည်း ခဲ့ပါကြောင်း၊ ကော်မတီတွင် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာနမှ မိမိနှင့် အမြဲတမ်း အတွင်းဝန်တို့က အဖွဲ့ဝင်များအဖြစ် ပါဝင်ပါကြောင်း၊ မိမိတို့ဝန်ကြီးဌာနအနေနှင့် (က) ဆီထွက် သီးနှံတိုးချဲ့စိုက်ပျိုး‌ရန်အတွက် နေကြာစိုက်ပျိုးမည့် တောင်သူများအတွက် မျိုးကောင်းမျိုးသန့် ဝယ်ယူခြင်း၊ သွင်းအားစုဝယ်ယူခြင်းနှင့် စိုက်ပျိုးစရိတ်များ သုံးစွဲနိုင်ရန်အတွက် မြစိမ်းရောင် ကျေးရွာစီမံကိန်းမှ အရင်းမပျောက် လည်ပတ်ရန်ပုံငွေများ ထုတ်ချေးပေးခြင်း၊ (ခ) ဆိုလာစနစ်ဖြင့် စိုက်ပျိုးရေရရှိရေး လုပ်ငန်းများဆောင်ရွက်ခြင်း စသည့် အဓိကလုပ်ငန်းတာဝန် (၂)ရပ်ကို အကောင် အထည်ဖော် ဆောင်ရွက်ပေးရမည် ဖြစ်ပါကြောင်း၊ ဤသို့ဝန်ကြီးဌာန (၂)ခု ပူးပေါင်းပြီး လုပ်ငန်း များ အောင်မြင်စွာဆောင်ရွက်နိုင်စေရန် သက်ဆိုင်ရာဦးစီးဌာနများအကြား အမြဲမပြတ် ဆက်သွယ် ညှိနှိုင်းခြင်း၊ အောက်ခြေ ပြည်နယ်/တိုင်းဒေသကြီးများအဆင့်၊ မြို့နယ်အဆင့်တို့မှာ ဦးစီးဌာန အချင်းချင်း ညှိနှိုင်း၍ ဌာနဆိုင်ရာဝန်ထမ်းများအတူ ပူးပေါင်းကွင်းဆင်း၍ ကျေးရွာများအား စည်းရုံးခြင်း၊ လုပ်ငန်းများစိစစ်ရွေးချယ်ခြင်းတို့ကို ဆောင်ရွက်ရမည် ဖြစ်ပါကြောင်း၊

          ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေနှင့် မျိုးစေ့အပါအဝင် သွင်းအားစုများ ဝယ်ယူရန်နှင့် စိုက်ပျိုးရေးအသုံးစရိတ်များအတွက် မြစိမ်းရောင်ကျေးရွာစီမံကိန်းဖြင့် ကျေးရွာ (၄၅၇) ရွာ၌ ချေးငွေထုတ်ချေးပေးခြင်း၊ ဆိုလာရေတင်စနစ်ဖြင့် (၁၅၉) ခု ဆောင်ရွက်ခြင်း၊ ကုန်ထုတ်လမ်း(၈/၄)မိုင်နှင့် တံတား (၁၈) စင်း တည်ဆောက်ခြင်း လုပ်ငန်းတို့ကို ဆောင်ရွက်နေပြီး လုပ်ငန်းတစ်ခုချင်းအပေါ် ဆောင်ရွက်ပြီးစီးမှုအခြေအနေ၊ ဆက်လက်ဆောင်ရွက်မည့် အခြေအနေ များကို ညှိနှိုင်းပေါင်းစပ်ပေးနိုင်ရန် ယခုညှိနှိုင်းအစည်းအဝေးကို ကျင်းပပြုလုပ်ခြင်း ဖြစ်ပါကြောင်း၊ မိမိတို့ဝန်ကြီးဌာနက ဆောင်ရွက်ပေးရမည့် လုပ်ငန်းများတွင် တည်ဆောက်ရေး လုပ်ငန်းများ ပါဝင်သဖြင့် နိုင်ငံတော်မှ ချမှတ်ထားသော တင်ဒါလုပ်ငန်းစဉ်များနှင့်အညီ ဆောင်ရွက် ရမည်ဖြစ်လို့ ကျေးရွာနှင့် လုပ်ငန်းများစိစစ်ရွေးချယ်ခြင်းကို အမြန်ဆောင်ရွက်ရန် လိုအပ်ကြောင်း၊ သတ်မှတ် စံချိန်စံညွှန်းပြည့်မီစွာ ဆောင်ရွက်နိုင်ရေးအတွက် တာဝန်ရှိသူအဆင့်ဆင့်က အမြဲမပြတ်ကြီးကြပ် ရန် မှာကြားလိုပါကြောင်း၊

          မြစိမ်းရောင်စီမံကိန်း (ဆီထွက်သီးနှံ) ဆောင်ရွက်ရာတွင်လည်း ရန်ပုံငွေများအား အမှန် တကယ် ဆီထွက်သီးနှံစိုက်ပျိုးသည့်တောင်သူများ လက်ဝယ်ရောက်ရှိရေး၊ ချေးငွေရယူ၍ တောင်သူများ အမှန်တကယ် စိုက်ပျိုးရေး စီမံဆောင်ရွက်ကြရန် မှာကြားလိုပါကြောင်း၊ သမဝါယမဦးစီးဌာနအနေဖြင့်လည်း မျိုးစေ့ထုတ်သမဝါယမအသင်းများက မျိုးစေ့ဖြန့်ဖြူးခြင်း၊ သွင်းအားစုထောက်ပံ့ခြင်း ကိစ္စရပ်များကို ကူညီဆောင်ရွက်ပေးရမည်ဖြစ်ကြောင်း၊ နိုင်ငံတော်အစိုးရ ၏ လမ်းညွှန်ချက်ဖြစ်သော ပြည်ပမှ စားသုံးဆီတင်သွင်းမှုလျော့ချစေရေးနှင့် ပြည်တွင်းစားသုံးဆီ ဖူလုံစေရေးအတွက် ဆီထွက်သီးနှံတိုးချဲ့ စိုက်ပျိုးရေးကိစ္စရပ်များအား သက်ဆိုင်ရာဦးစီးဌာနများမှ တက်တက်ကြွကြွ ပူးပေါင်းဆောင်ရွက်ကြရန် တိုက်တွန်းပြောကြားသည်။

ထို့နောက် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ညွှန်ကြားရေးမှူးချုပ်နှင့် ဒုတိယ ညွှန်ကြားရေးမှူးချုပ်များက ဆီထွက်သီးနှံ တိုးချဲ့စိုက်ပျိုးရေးအတွက် လုပ်ငန်းဆောင်ရွက်နေမှုများ အားလည်းကောင်း၊ စိုက်ပျိုးရေးဦးစီးဌာန၊ ညွှန်ကြားရေးမှူးချုပ်နှင့် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန၊ ညွှန်ကြားရေးမှူးချုပ်များက ဆီထွက်သီးနှံများ တိုးချဲ့စိုက်ပျိုးနိုင်မည့် အခြေအနေများအားလည်းကောင်း၊ အမြဲတမ်းအတွင်းဝန်မှ လုပ်ငန်းဆောင်ရွက်မည့်အစီအစဉ်များ  အားလည်းကောင်း အသီးသီး ရှင်းလင်းဆွေးနွေး တင်ပြမှုများအပေါ် ပြည်ထာင်စုဝန်ကြီးက လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။