28 Oct,2024

မော်လမြိုင်    အောက်တိုဘာ ၂၈

မွန်ပြည်နယ်၊ မော်လမြိုင်မြို့တွင် ၂၀၂၄-၂၀၂၅ ဘဏ္ဍာနှစ် နိုင်ငံ့စီးပွားမြှင့်တင်ရေး မတည် ထောက်ပံ့ရန်ပုံငွေလွှဲပြောင်းပေးအပ်ပွဲအခမ်းအနားကို အောက်တိုဘာလ ၂၂ ရက်နေ့က မြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။

အခမ်းအနားတွင် မြို့နယ်နိုင်ငံ့စီးပွားမြှင့်တင်ရေးရန်ပုံငွေကြီးကြပ်ရေးကော်မတီဥက္ကဋ္ဌ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးတင်ယုက အဖွင့်အမှာစကားပြောကြားပြီး မြို့နယ် သမဝါယမဦးစီးဌာန ဦးစီးအရာရှိ ဒေါ်အေးမြတ်မြတ်မွန်က မတည်ထောက်ပံ့ငွေများ ပေးအပ် ရခြင်းနှင့် ပတ်သက်၍ ရှင်းလင်းပြောကြားခဲ့သည်။

ထို့နောက် မော်လမြိုင်မြို့နယ်အတွင်းရှိ အခြေခံသမဝါယမအသင်း(၂)သင်းအား သမဝါယမဦးစီးဌာနမှ စိုက်ပျိုးရေးလုပ်ငန်းများအတွက် ငွေကျပ်သိန်း (၃၄၀၀၀၀၀၀/-) ကို ထုတ်ချေးပေးခဲ့ကြောင်း သိရသည်။

ခင်စန်းမြင့်ပြန်/ဆက်

မွန်ပြည်နယ်