04 Oct,2024

ပျော်ဘွယ် အောက်တိုဘာ ၄ ရက်

မန္တလေးတိုင်းဒေသကြီး၊ ပျော်ဘွယ်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ပေကုန်းကျေးရွာ၌ ကျေးလက်နေပြည်သူများ သောက်သုံးရေအခက်အခဲများပြေလည်စေရန် ရည်ရွယ်၍ ယနေ့ နံနက်ပိုင်းက သောက်သုံးရေများ ဖြန့်ဝေလှူဒါန်းကြောင်း သိရသည်။

ထို့သို့ လှူဒါန်းရာတွင် ပျော်ဘွယ်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီဌာန မြို့နယ်ဦးစီးမှူး ဦးအေးမင်းနိုင်နှင့် ဝန်ထမ်းများက ပေကုန်းကျေးရွာတွင် ရေဘေးသင့်ကျေးလက်နေပြည်သူများ သောက်သုံးရေဖူလုံစေရန်အတွက် ဂါလံ ၇၀၀ ကျော်အား ဖြန့်ဝေလှူဒါန်းကြသည်။

ထို့နောက် ပျော်ဘွယ်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီဌာန မြို့နယ်ဦးစီးမှူး ဦးအေးမင်းနိုင်နှင့် ဝန်ထမ်းများက ကျေးရွာရေရရှိရေးကော်မတီဝင်များနှင့်အတူ ကျေးရွာအတွင်းရှိ စက်ရေတွင်းများရေဝင်ထားရှိမှု အခြေအနေများကို ကြည့်ရှုစစ်ဆေးပြီး မြို့နယ်ဦးစီးမှူး ဦးအေးမင်းနိုင်က စက်ရေတွင်းများ တွင်းဆေး၊ တွင်းမှုတ်ခြင်းလုပ်ငန်းဆောင်ရွက်ပေးရန်နှင့် ကလိုရင်းဆေးခတ်ခြင်းလုပ်ငန်းများ ဆောင်ရွက်ပေးရန် ဆွေးနွေးမှာကြားသည်။

အဆိုပါ သောက်သုံးရေဖြန့်ဝေခြင်းလုပ်ငန်းများကို ပျော်ဘွယ်မြို့နယ်အတွင်းရှိ ရေဘေးသင့်ဒဏ်ခံစားရသော ကျန်ရှိသည့်ကျေးရွာများကို ဆက်လက်ဆောင်ရွက်ပေးသွားမည်ဖြစ်ကြောင်း သိရသည်။