13 Sep,2024

ဒဂုံ စက်တင်ဘာ ၁၃

       ရန်ကုန်တိုင်းဒေသကြီး၊ ကျောက်တံတားခရိုင်၊ ဒဂုံမြို့နယ်အထွေထွေစီးပွားရေးလုပ်ငန်း သမဝါယမအသင်းလီမိတက် ၂၀၂၃-၂၀၂၄ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်း အဝေးကို မြို့နယ်သမဝါယမဦးစီးဌာနရုံးခန်းမတွင် စက်တင်ဘာ ၁၁ ရက်နေ့ နံနက် ၁၁:၀၀ နာရီက ကျင်းပခဲ့ကြောင်း သိရသည်။

       အဆိုပါအစည်းအဝေးတွင် မြို့နယ်သမဝါယမအသင်းစုဥက္ကဋ္ဌ သဘာပတိ ဒေါ်ခင်စောဦးက အဖွင့်အမှာစကားပြောကြားပြီး မြို့နယ်သမဝါယမဦးစီးဌာန ဦးစီးအရာရှိ ဒေါ်အေးအေးသင်းက သမဝါယမလုပ်ငန်းစဉ်များ၊ သမဝါယမအသင်းဥပဒေ၊ နည်းဥပဒေများ ရှင်းလင်းပြောကြားခဲ့ကြသည်။

       ထို့နောက် ၂၀၂၃-၂၀၂၄ ဘဏ္ဍာရေးနှစ်ကာလအတွက် အသင်းစာရင်းစစ်အစီရင်ခံစာနှင့် ဘဏ္ဍာရေးရှင်းတမ်းကိုဖတ်ကြားပြီး တက်ရောက်လာသော အသင်း၀င်(၃၀)ဦးအား တစ်ဦးလျှင် အစုပေါ်အမြတ်ငွေများနှင့် မြေပဲဆီသန့်တစ်ပိဿာစီ ပေးအပ်ခဲ့ကြောင်း သိရသည်။

လဲ့လဲ့(ပြန်/ဆက်)

ရန်ကုန်တိုင်းဒေသကြီး