05 Jul,2024

ထားဝယ် ဇူလိုင် ၅

(၁၀၂) ကြိမ်မြောက် အပြည်ပြည်ဆိုင်ရာသမဝါယမနေ့ကို ကြိုဆိုဂုဏ်ပြုသောအားဖြင့် ဇူလိုင် ၄ ရက်က တနင်္သာရီတိုင်းဒေသကြီးသမဝါယမဦးစီးဌာနအစည်းအဝေးခန်းမ၌ သမဝါယမ ဦးစီးဌာနမှ ဝန်ထမ်းများနှင့် ထားဝယ်မြို့နယ်၊ လောင်းလုံးမြို့နယ် သမဝါယမဦးစီးဌာနမှ ဝန်ထမ်းများ စုစုပေါင်း (၂၃) ဦးတို့က သမဝါယမနည်းဥပဒေနှင့် ဝန်ထမ်းခွင်စည်းကမ်း ဘာသာရပ်များ၊ အပြည်ပြည်ဆိုင်ရာ သမဝါယမနေ့ဆောင်ပုဒ်စာစီစာကုံးများအား ဌာနတွင်းရေးဖြေစာမေးပွဲ ကျင်းပခဲ့သည်။

ထို့သို့ ဌာနတွင်းရေးဖြေစာမေးပွဲကျင်းပနေမှုကို တိုင်းဒေသကြီးသမဝါယမဦးစီးမှူး ဦးကျော်စိုးမင်း နှင့် တာဝန်ရှိသူများက ကြည့်ရှုအားပေးပြီး စာမေးပွဲဖြေဆိုရာတွင် ပထမဆု၊ ဒုတိယဆု၊ တတိယဆု ရရှိသူများကို ဇူလိုင်လ (၅) ရက်နေ့တွင် ဆုများပေးအပ်ချီးမြှင့်မည် ဖြစ်ကြောင်း သိရသည်။

ငွေဇင်ယော်(ထားဝယ်)

တနင်္သာရီတိုင်းဒေသကြီး