05 Jul,2024

တောင်ကြီး ဇူလိုင် ၄

ရှမ်းပြည်နယ်၊ တောင်ကြီးနှင့် ဟိုပုံးမြို့နယ်တို့ရှိ သမဝါယမလုပ်ငန်းများ ဆောင်ရွက်နေမှု အခြေအနေများကို ပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့်နှင့် တာဝန်ရှိသူ များက ကွင်းဆင်းဆောင်ရွက်ခဲ့သည်။

ရှေးဦးစွာ သက်ဆိုင်ရာမြို့နယ်များရှိ သမဝါယမဦးစီးဌာနများမှ တာဝန်ရှိသူများက မိမိတို့ လုပ်ငန်းဆောင်ရွက်နေမှုအခြေအနေများကို တင်ပြကြရာ ညွှန်ကြားရေးမှူးက သမဝါယမအသင်း ဥပဒေ၊ နည်းဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်သွားကြရန်နှင့် မိမိတို့မြို့နယ်အတွင်း မိုးစပါးစိုက်ပျိုးမှုလျာထားချက်ပြည့်မီအောင် စိုက်ပျိုးနိုင်ရေးနှင့် သမဝါယမအသင်းသားတောင်သူ များသို့ သွင်းအားစုများ အချိန်မီထောက်ပံ့နိုင်ရေးအစီအစဉ်များ စနစ်တကျ အလေးထား ဆောင်ရွက်သွားကြရန် မှာကြားခဲ့ကြောင်း သိရသည်။