01 Jul,2024

မုဒုံ ဇွန် ၂၉

၂၀၂၄ ခုနှစ် ဇူလိုင် (၆)ရက်နေ့တွင် ကျရောက်မည့် (၁၀၂) နှစ်ပြည့် အပြည်ပြည်ဆိုင်ရာ သမဝါယမနေ့ကို ကြိုဆိုဂုဏ်ပြုသောအားဖြင့် ပညာရေးမိသားစုငွေစုငွေချေးသမဝါယမအသင်း လီမိတက်မှ (၂၀၂၃-၂၀၂၄)ပညာသင်နှစ် တက္ကသိုလ်ဝင်တန်းအောင်အသင်းသားများ၏ သားသမီး များအား ပညာသင်ထောက်ပံ့ကြေး ချီးမြှင့်ခြင်းအခမ်းအနားကို ဇွန် ၂၉ ရက်က အ.ထ.က (၁) မုဒုံ ကျောင်းရှိ ရှင်အရဟံခန်းမ၌ ကျင်းပသည်။

ဦးစွာ မြို့နယ်သမဝါယမဦးစီးဌာန ဦးစီးအရာရှိ ဦးညီညီထွန်းမှ အဖွင့်အမှာစကားပြောကြား ပြီး အသင်းဥက္ကဋ္ဌ ဦးဘတင်က ပညာရေးထောက်ပံ့ကြေးငွေ(၂၈၀၀၀၀)ကျပ်၊ အသင်းသား/သူ များ၏ အကျိုးဝေစု(၅၀၉၆၀၀၀)ကျပ်၊ စုဆောင်းငွေပေါ်အတိုးပေးငွေ (၄၀၀၇၃၄၂၀)ကျပ်နှင့် အစုပေါ်အမြတ်ငွေ(၁၅၈၈၆၈၀)ကျပ်ကို ပေးအပ်ရခြင်းနှင့်ပတ်သတ်၍ ရှင်းလင်းပြောကြားခဲ့ သည်။ ထို့နောက် မြို့နယ်သမဝါယမဦးစီးအရာရှိ၊ မြို့နယ်သမဝါယမအသင်းစုဥက္ကဋ္ဌနှင့် ပညာရေး မိသားစုငွေစုငွေချေးအသင်းဥက္ကဋ္ဌတို့က တက္ကသိုလ်ဝင်စာမေးပွဲတွင် ထူးချွန်စွာအောင်မြင်ခဲ့ကြ သည့် ကျောင်းသား/သူ (၅)ဦးအား ဂုဏ်ပြုမှတ်တမ်းနှင့် ဆုငွေများကို အသီးသီးပေးအပ်ခဲ့ကြောင်း သိရသည်။

အောင်မျိုးသူ (ပြန်/ဆက်)

မွန်ပြည်နယ်