Language : |
ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

တိုက်ကြီးမြို့နယ်၌ နိုင်ငံ့စီးပွားမြှင့်တင်ရေးရန်ပုံငွေဖြင့် မိုးစပါးစိုက်ပျိုးမည့် သမဝါယမအသင်းသားတောင်သူများအား သွင်းအားစုများပေးအပ်ပွဲ ကျင်းပ


24 Jun,2024

တိုက်ကြီး ဇွန် ၂၄

ရန်ကုန်တိုင်းဒေသကြီး၊ တိုက်ကြီးခရိုင် တိုက်ကြီးမြို့နယ်တွင် နိုင်ငံ့စီးပွားမြှင့်တင်ရေးရန်ပုံငွေမှ ပံ့ပိုးငွေဖြင့် မိုးစပါးစိုက်ပျိုးမည့် သမဝါယမအသင်းသား တောင်သူများသို့  သွင်းအားစုများ ပေးအပ်ပွဲအခမ်းအနားကို ဇွန်(၂၂)ရက်က မြို့နယ်သမဝါယမဦးစီးဌာန  အစည်းအဝေးခန်းမ၌ ကျင်းပခဲ့ သည်။

ဦးစွာ တိုက်ကြီးမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ကျော်စိုးက နိုင်ငံတော်ဝန်ကြီးချုပ်၏ လမ်းညွှန်မှာကြားချက်‌ဖြစ်သော နိုင်ငံ့စီးပွားရေးအခြေအနေကောင်းများ ဖန်တီးနိုင်မှသာ နိုင်ငံဖွံ့ဖြိုး တိုးတက်အောင် ဆောင်ရွက်နိုင်မည်ဆိုသည့် မူဝါဒနှင့်အညီ တောင်သူများလူမှုစီးပွားဘဝဖွံ့ဖြိုး တိုးတက်ရေးနှင့် တစ်ဦးချင်းဝင်ငွေတိုးတက်စေရေးအတွက် လုပ်ငန်းအကောင်အထည်ဖော်ဆောင်ရွက် ရန် နိုင်ငံ့စီးပွားရေးမြှင့်တင်ရေး ရန်ပုံငွေထူထောင်၍ လယ်ယာစိုက်ပျိုးသည့် တောင်သူများအထွက်နှုန်း တိုးစေရေး၊ ပန်းတိုင်ရည်မှန်းချက်ပြည့်မှီစေရေးအတွက် သွင်းအားစုများ ထောက်ပံ့ပေးအပ်ခြင်းဖြစ် ကြောင်း ရှင်းလင်းပြောကြားခဲ့သည်။    

ဆက်လက်၍ မြို့နယ်စီမံအုပ်ချုပ်ရေးအဖွဲ့ဉက္ကဋ္ဌ ဦးအောင်ကျော်စိုး၊ မြို့နယ်စီမံအုပ်ချုပ်‌ရေးအဖွဲ့ အဖွဲ့ဝင်(၁) ဗိုလ်မှူးအာကာကျော်၊  မြို့နယ်သမဝါယမဦးစီးဌာန ဦးစီးအရာရှိဦးအုန်းထွန်း၊ မြို့နယ် သမဝါယမအသင်းစုဉက္ကဋ္ဌ ဦးစိန်မြင့်၊ မြို့နယ်သမဝါယမအသင်းစုအုပ်ချုပ်မှုဒါရိုက်တာ ဦးကံချွန်နှင့် တာဝန်ရှိသူများက မိုးစပါးစိုက်ပျိုးမည့် သမဝါယမအသင်း (၂၄)သင်း၊ အသင်းသား တောင်သူ (၃၄၅)ဦး၊ စိုက်ဧက (၂၀၂၀)ဧကအတွက် တစ်ဧကလျှင် (၂)သိန်းနှုန်းဖြင့်ညီမျှသော ကျပ်သိန်းပေါင်း (၄၀၄၀)သိန်း တန်ဖိုးရှိ သွင်းအားစုများကို ပေးအပ်ခဲ့ကြောင်း သိရသည်။

စန်းကလျာခိုင် (ပြန်/ဆက်)

ရန်ကုန်တိုင်းဒေသကြီး


ဆက်စပ် သတင်းများ

Related News and Articles

ဆက်စပ်လင့်ခ်များ

အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။

  • တယ်လီဖုန်း

    ၀၆၇ - ၄၁၀၀၃၃
  • ဖက်စ်

    ၀၆၇ - ၄၁၀၀၃၆
  • Email

    contact@mcrd.gov.mm