22 Jul,2022

ပူတာအို၊ ဇူလိုင် ၂၂

ကချင်ပြည်နယ်၊ ပူတာအိုမြို့နယ်အတွင်းရှိ ဌာနဆိုင်ရာဝန်ထမ်းများနှင့် စားသုံးသူ အသင်းသား ပြည်သူများ သက်သာသောဈေးနှုန်းဖြင့် လွယ်လင့်တကူဝယ်ယူရရှိနိုင်ရန် ရည်ရွယ်၍ ဇူလိုင်လ ၂၁ ရက် နေ့က ပူတာအိုမြို့နယ်သမဝါယမအသင်းစုဒေသထွက်ကုန်စံပြအရောင်းဆိုင်အား ဖွင့်လှစ်ခဲ့သည်။

၎င်းစံပြအရောင်းဆိုင်တွင် ပူတာအိုဒေသထွက်ကုန်များ၊ ဆန်များ(ငွေတိုး၊ ဆင်းဧကရီ-၃)၊ ညောင်ဦးပဲဆီသန့်၊ ကချင်ရိုးရာ ကျားဝတ်/ မဝတ်အထည်များ၊ အခြားလူသုံးကုန်နှင့် စားသောက်ကုန် ပစ္စည်းများကို ဒေသပေါက်ဈေးထက် သက်သာသောနှုန်းထားများဖြင့် ဌာနဆိုင်ရာဝန်ထမ်းများနှင့် စားသုံးသူ အသင်းသားပြည်သူများအား အရစ်ကျကုန်ကြွေးစနစ်ဖြင့်လည်းကောင်း၊ လက်ငင်းငွေပေး ချေစနစ်ဖြင့်လည်းကောင်း ရောင်းချပေးလျက်ရှိကြောင်း သိရသည်။