06 Jun,2024

ကျိုက်မရော ဇွန် ၆

မွန်ပြည်နယ်၊ ကျိုက်မရောမြို့နယ်၌ သိန်းတစ်ရာ ငွေစု/ငွေချေးသမဝါယမအသင်းလီမိတက် ၏ ၂၀၂၃- ၂၀၂၄ ဘဏ္ဍာရေးနှစ် နှစ်ပတ်လည် အရပ်ရပ်ဆိုင်ရာ အစည်းအဝေးနှင့် အမှုဆောင်သစ် ရွေးချယ်ပွဲကို ဇွန်လ ၄ ရက် နေ့လည် ၂ နာရီက ကျိုက်မရောမြို့နယ် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနရှိ လူထုအခြေပြုဗဟိုဌာနခန်းမ၌ ပြုလုပ်ခဲ့သည်။

အခမ်းအနားတွင် သိန်းတစ်ရာ ငွေစု/ငွေချေးသမဝါယမအသင်းဥက္ကဋ္ဌ ဒေါ်မြင့်မြင့်သန်းက အဖွင့်အမှာစကားပြောကြားပြီး ၂၀၂၃-၂၀၂၄ ဘဏ္ဍာရေးနှစ်အတွက် စာရင်းစစ်အဖွဲ့၏ အစီရင်ခံစာ ကို စာရင်းစစ်မှူး ဒေါ်နော်လှစိုးက ဖတ်ကြားပြီး ဘဏ္ဍာရေး ရှင်းတမ်းများနှင့် အမြတ်ခွဲဝေစာရင်းကို အမှုဆောင် ဦးဘိုဘိုကျော်က ဖတ်ကြားတင်သွင်းခဲ့သည်။

ထို့နောက် ၂၀၂၃-၂၀၂၄ ခုနှစ် ဘဏ္ဍာရေးနှစ်အတွက် အမှုဆောင်အဖွဲ့၏အစီရင်ခံစာ၊ ဘဏ္ဍာရေးရှင်းတမ်းနှင့် အသင်းသားစာရင်းစစ်အစီရင်ခံစာများကို အသင်းဥက္ကဋ္ဌမှ အတည်ပြုချက် ရယူကာ အသင်းသားများ၏ သိလိုသောအချက်များကို အသင်းဥက္ကဋ္ဌမှ ပြန်လည်ဖြေကြားပြီး အမှုဆောင်သစ်များကိုရွေးချယ်ခဲ့ကြပြီး အသင်း၏အမြတ်ငွေမှ အသင်းသားများအား အမြတ်ငွေ နှင့် နှစ်ပတ်လည်လက်ဆောင်ပစ္စည်းများ ပေးအပ်ခဲ့ကြောင်း သိရသည်။

ချိုမြတ်မြတ်ထွေး (ကျိုက်မရော)

မွန်ပြည်နယ်