31 May,2024

ပုဂံ၊ မေ ၃၁

          သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန ကြီးကြပ်မှုအောက်ရှိ ယွန်းပညာကောလိပ်(ပုဂံ) နှင့် အလုပ်သမားဝန်ကြီးဌာန NSSA (National Skill Standard Authority) မြန်မာနိုင်ငံ အလုပ်သမားများကျွမ်းကျင်မှု စံသတ်မှတ်ပြဌာန်းရေးအဖွဲ့တို့ ပူးပေါင်း၍ ယွန်းပညာရပ်ဆိုင်ရာ ကျွမ်းကျင်မှု စစ်ဆေးအကဲဖြတ်ခြင်းကို ယနေ့ နံနက်ပိုင်းက အဆိုပါ ကောလိပ်တွင် ပြုလုပ်ဆောင်ရွက်သည်။

          ထိုသို့ ဆောင်ရွက်ရာတွင်  NSSA အသိအမှတ်ပြုလက်မှတ် ရရှိရေးအတွက် ဝါးအခွေထည် လုပ်သား(Level-1)ကျွမ်းကျင်မှု စစ်ဆေးအကဲဖြတ်ခြင်းများကို စာတွေ့၊ လက်တွေ့ စစ်ဆေးခြင်းများ ပြုလုပ်ရာ ဝါးကျွမ်းကျင်လုပ်သား (၈)ဦး လာရောက်၍ စစ်ဆေးခြင်းများခံယူခဲ့ကြသည်။ ထို့နောက် NSSA မှ အသိအမှတ်ပြုလက်မှတ်ရရှိရေး အတွက် ယွန်းပညာကောလိပ်(ပုဂံ)မှ ဆက်လက် ဆောင်ရွက်ပေးသွားမည် ဖြစ်ကြောင်း သတင်းရရှိသည်။