31 May,2024

အမရပူရ၊ မေ ၃၁

          သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန ကြီးကြပ်မှုအောက်ရှိ ဆောင်းဒါးရက်ကန်းနှင့် အသက်မွေးပညာသိပ္ပံ၌ မေလ ၂ ရက်နေ့မှ ၃၁ ရက်နေ့ အထိ ဖွင့်လှစ်သင်ကြားခဲ့သော အခြေခံစက်ချုပ်နည်းပညာသင်တန်းဆင်းပွဲ အခမ်းအနားကို ယနေ့ နံနက်ပိုင်းက ကျင်းပရာ ဆောင်းဒါးရက်ကန်းနှင့် အသက်မွေးပညာသိပ္ပံ ကျောင်းအုပ်ကြီး၊ ဒုတိယ ကျောင်းအုပ်ကြီး၊ သက်ဆိုင်ရာတာဝန်ရှိသူများ နှင့် သင်တန်းများ တက်ရောက်ကြပါသည်။

          အခမ်းအနားတွင် ကျောင်းအုပ်ကြီးက အဖွင့်အမှာစကားပြောကြားပြီး သင်တန်းတွင် ထူးချွန် ဆုရ သင်တန်းသားများအား ထူးချွန်ဆုများ ပေးအပ်ပြီး ဒုတိယကျောင်းအုပ်ကြီးက သင်တန်းဆင်း လက်မှတ်များ ပေးအပ်ခဲ့ကြောင်း သတင်းရရှိပါသည်။