05 Apr,2024

ရပ်စောက် ဧပြီ ၅

ရှမ်းပြည်နယ်(တောင်ပိုင်း) တောင်ကြီးခရိုင်၊ ရပ်စောက်မြို့နယ်အစိုးရဝန်ထမ်းပေါင်းစုံ ငွေစုငွေချေးသမဝါယမအသင်းမှ ၂၀၂၃-၂၀၂၄ ဘဏ္ဍာရေးနှစ်အတွက် အသင်းသားများ၏ စုဆောင်းငွေအပေါ်အတိုးထုတ်ပေးခြင်းကို ဧပြီလ ၄ ရက်နေ့က အဆိုပါသမဝါယမအသင်းရုံး ခန်းမ၌ ကျင်းပခဲ့ကြောင်း သိရသည်။

ရပ်စောက်မြို့နယ်အစိုးရဝန်ထမ်းပေါင်းစုံငွေစုငွေချေးသမဝါယမအသင်းတွင် အသင်းသား (၁၁၃၂)ဦးရှိပြီး ၎င်းအသင်းသားများအတွက် စုဆောင်းငွေအပေါ်အတိုးငွေကျပ် (၂၁၄.၆၉)သိန်း အား အမှုဆောင်အဖွဲ့များမှကြီးကြပ်၍ အသင်းသားများသို့ သက်ဆိုင်ရာအသင်းဝင်ဌာန/ကျောင်း ကိုယ်စားလှယ်များမှတဆင့် အသင်းသားများထံသို့ အတိုးများ ထုတ်ပေးခဲ့ကြောင်း သိရသည်။

ဆုမွန်

ရှမ်းပြည်နယ်