22 Mar,2024

သထုံ၊ မတ် ၂၂

          သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သထုံခရိုင် အသေးစားစက်မှုလက်မှုလုပ်ငန်းဦးစီးဌာန အနေဖြင့် ကျေးလက်နေပြည်သူများ အလုပ်အကိုင်အခွင့်အလမ်းရရှိလာစေရန်၊ တစ်နိုင်တစ်ပိုင် လုပ်ငန်းငယ်လေးများ ထူထောင်၍ မိသားစုဝင်ငွေများတိုးပွားလာစေရန်ရည်ရွယ်၍ လူသုံးကုန်ထုတ်လုပ်မှုမှုနည်းပညာသင်တန်းဖွင့်ပွဲကို ယနေ့ နံနက်ပိုင်းက သထုံခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရှိ Community Centre ၌ ဖွင့်လှစ်သည်။

          အခမ်းအနားသို့ သထုံခရိုင် စီမံအုပ်ချုပ်​ရေးအဖွဲ့ ဥက္ကဌ၊ သထုံခရိုင် အသေးစားစက်မှုလက်မှု လုပ်ငန်းဦးစီးဌာနမှ ခရိုင်ဦးစီးမှူး၊ သက်ဆိုင်ရာဌာနများမှ တာဝန်ရှိသူများ သင်တန်းနည်းပြများ၊ ရပ်မိ ရပ်ဖများနှင့် သင်တန်းသားများတက်ရောက်ကြရာ သထုံခရိုင်စီမံအုပ်ချုပ်​ရေးအဖွဲ့ ဥက္ကဌက အဖွင့်အမှာစကားပြောကြားပြီး သထုံခရိုင် အသေးစားစက်မှုလက်မှုလုပ်ငန်းဦးစီးဌာနမှ ခရိုင်ဦးစီးမှူးက သင်တန်းဖွင့်လှစ်ရခြင်း၏ ရည်ရွယ်ချက်များကို ရှင်းလင်းပြောကြားသည်။

          ယခုဖွင့်လှစ်သော သင်တန်းကို မတ်လ ၂၂ ရက်နေ့မှ ၂၆ ရက်နေ့အထိ (၅)ရက်ကြာ သင်တန်းသား(၁၃)ဦးတို့အား  ဆပ်ပြာရည်အမျိုးမျိုး၊ ဆပ်ပြာခဲအမျိုးမျိုးနှင့် လက်သန့်​ဆေးရည်ပြု လုပ်နည်းများကို စာတွေ့ လက်တွေ့ သင်ကြားပို့ချသွားမည်ဖြစ်ကြောင်း သတင်းရရှိသည်။