20 Mar,2024

ပုသိမ်ကြီး မတ် ၂၀

မန္တလေးတိုင်းဒေသကြီး၊ အောင်မြေသာစံခရိုင်၊ ပုသိမ်ကြီးမြို့နယ်၊ ရွာသစ်ကျေးရွာရှိ နွေစပါးစိုက်ပျိုးမည့် အသင်းသားတောင်သူများအား သမဝါယမဦးစီးဌာနမှ သမဝါယမ ကန်ထရိုက်လယ်ယာစနစ်ဖြင့် သွင်းအားစုမြေဩဇာပေးအပ်ပွဲအခမ်းနားကို မတ် ၁၇ ရက်နေ့က အဆိုပါကျေးရွာ၌ ကျင်းပခဲ့သည်။

အခမ်းနားသို့ တိုင်းဒေသကြီးသမဝါယမဦးစီးဌာန ညွန်ကြားရေမှူး ဦးထွန်းဇော်ဦး၊ တိုင်းဒေသကြီးသမဝါယမအသင်းစုချုပ်ဥက္ကဋ္ဌ ဦးထွန်းလှိုင်နှင့်တာဝန်ရှိသူများသည် သမဝါယမ ကန်ထရိုက်လယ်ယာစနစ်ဖြင့် ဆောင်ရွက်သည့် သမဝါယမအသင်းသား (၂၅) ဦး ပိုင်ဆိုင်သည့် နွေစပါးစိုက်ဧက(၁၂၅)ဧကအတွက် တစ်ဧကလျှင် ငွေကျပ်နှစ်သိန်းနှုန်းနှင့်ညီမျှသော သွင်းအားစု များဖြစ်သည့် စမ်းဝတီမြေဩဇာ၊ ကွန်ပေါင်းနှင့် ပုလဲမြေဩဇာတို့ကို တောင်သူများစိတ်ကြိုက် ဝယ်ယူပြီး လက်ဝယ်အရောက် ပေးအပ်ခဲ့ကြောင်း သိရသည်။

 မြို့နယ်(ပြန်/ဆက်)

မန္တလေးတိုင်းဒေသကြီး

အမြို့မြို့အနယ်နယ်သတင်းများ