11 Mar,2024

ပဲခူး၊ မတ် ၉

              ပဲခူးတိုင်းဒေသကြီး ပဲခူးခရိုင် ပဲခူးမြို့နယ်အတွင်းရှိ ကလိ - တပ်ကလေး မြောက်စုလမ်း ကွန်ကရစ်ခင်းခြင်းလုပ်ငန်းနှင့် အုတ်ဖို-ကျုံးရိုးကွန်ကရစ်တံတားတည်ဆောက်ခြင်း လုပ်ငန်းဆောင်ရွက် ပြီးစီးမှုကို မတ် ၈ ရက်က ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) မှ ဒုတိယညွှန်ကြားရေးမှူးချုပ် ဦးနေဦးနှင့် တာဝန်ရှိသူများသည် ကွင်းဆင်းကြည့်ရှုစစ်ဆေးသည်။

              ရှေးဦးစွာ ကျေးလက်လမ်းဖွံ့ဖြိုးရေးဦးစီးဌာန (ရုံးချုပ်) မှ ဒုတိယညွှန်ကြားရေးမှူးချုပ် ဦးနေဦးနှင့် တာဝန်ရှိသူများသည် ကလိ-တပ်ကလေးမြောက်စုလမ်း ကွန်ကရစ်ခင်းခြင်းလုပ်ငန်းအား သွားရောက်ကြည့်ရှုရာ သက်ဆိုင်ရာတာဝန်ရှိသူများက လုပ်ငန်းဆောင်ရွက်ပြီးစီးမှုကို လိုက်လံရှင်းလင်းပြသသည်။

              ထို့နောက် ‌ကျေးလက်လမ်း အုတ်ဖို-ကျုံးရိုးကွန်ကရစ်တံတား တည်ဆောက်ခြင်းလုပ်ငန်း ဆောင်ရွက်ပြီးစီးမှုကို သွားရောက်ကြည့်ရှုစစ်ဆေးပြီး တာဝန်ရှိသူများအား လိုအပ်သည်များ မှာကြားသည်။

               အဆိုပါ ပဲခူးမြို့နယ်အတွင်းရှိ ကလိ-တပ်ကလေးမြောက်စုလမ်းသည် အရှည်‌ပေ ဒသမ ၇၆၉ ဖာလုံ  အကျယ် ၁၂ ပေ၊ အမြင့် ခုနစ်လက်မရှိပြီး ကွန်ကရစ်ခင်းခြင်းလုပ်ငန်းကို ပြည်ထောင်စု(ပြင်ထိန်း) ရန်ပုံငွေဖြင့် ပဲခူးမြို့နယ် ‌ကျေးလက်လမ်းဖွံ့ဖြိုးရေးဦးစီးဌာနမှ  ၂၀၂၄ ခုနှစ် ဖေဖော်ဝါရီ ၁၁ ရက်က  စတင်ဆောင်ရွက်ခဲ့ရာ ယခုအခါလုပ်ငန်းများ ရာနှုန်းပြည့်ပြီးစီးသွားပြီဖြစ်သည်။ အုတ်ဖို-ကျုံးရိုးတံတားသည် အရှည်ပေ ၁၂၀၊ အကျယ်ပေ ၂၀ ရှိပြီး ကွန်ကရစ်တံတား တည်ဆောက်ခြင်းလုပ်ငန်းကို . ပြည်ထောင်စု {ငွေလုံးငွေရင်း) ရန်ပုံငွေဖြင့် အောင်နိုင်မြန်မာကုမ္ပဏီမှ ၂၀၂၃ခုနှစ် စက်တင်ဘာ ၃၀ ရက်က စတင်ဆောင်ရွက်ခဲ့ရာ ယခုအခါ ကွန်ကရစ်တံတား တည်ဆောက်ခြင်းလုပ်ငန်းမှာ ရာနှုန်းပြည့်ပြီးစီးသွားပြီဖြစ်ပြီး တံတားချဉ်းကပ်လမ်းကို ဆောင်ရွက်လျက်ရှိကြောင်း သိရသည်။

              အဆိုပါ ကွန်ကရစ်လမ်းနှင့် ကွန်ကရစ်တံတား တည်ဆောက်ပေးခြင်းကြောင့် ဒေသခံပြည်သူများ ရာသီမရွေးသွားလာအသုံးပြုနိုင်မည်ဖြစ်ပြီး ထုတ်ကုန်ပစ္စည်းများကိုလည်း ကုန်ကျစရိတ် သက်သာစွာ ဈေးကွက်သို့ တင်ပို့ ရောင်းချနိုင်မည်ဖြစ်ကြောင်း သိရသည်။                                                                 

သက်ထက်