11 Jul,2022

နမ္မတူ၊ ဇူလိုင် ၁၁

 ရှမ်းပြည်နယ်(မြောက်ပိုင်း)နမ္မတူမြို့နယ်ရှိ လမ်းပြကြယ်ငွေစုငွေချေးသမဝါယမအသင်း လီမိတက်၏ ၂၀၂၁-၂၀၂၂ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးနှင့် အသင်း သား၊ အသင်းသူများ၏ သား/သမီးများမှ ဒဿမတန်းအောင်မြင်သူများ၊ ဂုဏ်ထူးရရှိသူများအား ဆုချီးမြှင့်ပွဲအခမ်းအနားကို အဆိုပါအသင်းရုံးခန်းမတွင် ကျင်းပပြုလုပ်ခဲ့သည်။

အခမ်းအနားတွင် နမ္မတူမြို့နယ်သမဝါယမဦးစီးဌာန ဦးစီးအရာရှိနှင့် အသင်းဝန်ထမ်းများ၊ လမ်းပြကြယ်ငွေစုငွေချေးသမဝါယမအသင်းလီမိတက်ဥက္ကဋ္ဌနှင့် တာဝန်ရှိသူများ၊ အသင်းသား၊ အသင်းသူများ၊ ဒဿမတန်းအောင်မြင်သူများ၊ ဂုဏ်ထူးရရှိသူများနှင့် ဆရာ၊ဆရာမများတက် ရောက်ခဲ့သည်။ ထို့နောက် အသင်း၏ ၂၀၂၁-၂၀၂၂ ဘဏ္ဍာရေးနှစ်အတွက် ဒါရိုက်တာအဖွဲ့ လုပ်ငန်းအစီရင်ခံစာ၊ ရှေ့လုပ်ငန်းစဉ်များ၊ အသင်းစာရင်းစစ်အစီရင်ခံစာနှင့် အမြတ်ခွဲဝေစာရင်း များကို အသီးသီး ရှင်းလင်းတင်ပြပြီး တက်ရောက်လာကြသူများထံမှ သဘာပတိက အတည်ပြု ချက် ရယူခဲ့သည်။

ဆက်လက်၍ လမ်းပြကြယ်ငွေစုငွေချေးသမဝါယမအသင်းလီမိတက်ရှိ အသင်းသား၊ အသင်းသူများ၏ သားသမီးများမှ ဒဿမတန်းအောင်မြင်သူများ၊ ဂုဏ်ထူးရရှိသူများနှင့် သင်ကြား ပေးခဲ့သောဆရာ၊ ဆရာမများအား စုစုပေါင်းငွေကျပ် ၁၉၂၀၀၀၀ ချီးမြှင့်ခဲ့ကြောင်း သိရသည်။