06 Mar,2024

အင်္ဂပူ မတ် ၆

          ဧရာဝတီတိုင်းဒေသကြီး၊ အင်္ဂပူမြို့နယ်၊ မကျီးကုန်းကျေးရွာအုပ်စု၊ ရွှေတောင်စုစံပြကျေးရွာရှိ ရွှေလဝန်းစိုက်ပျိုးရေးနှင့်အထွေထွေသမဝါယမအသင်းမှ ပန်းနှင့်ပန်းဂေါ်ဖီစိုက်ပျိုးသည့် အသင်းသား တောင်သူများအား တိုင်းဒေသကြီးဘတ်ဂျက်ရန်ပုံငွေမှ အရင်းမပျောက်မတည်ငွေအဖြစ် အသင်းသား ၅၅ ဦးအတွက် တစ်ဦးလျှင် ငွေကျပ်နှစ်သိန်းနှုန်းဖြင့် ပံ့ပိုးငွေကျပ်သိန်း ၁၁၀ အား ထုတ်ပေးခဲ့သည်။

အဆိုပါအသင်းမှ လုပ်ငန်းဆောင်ရွက်လျက်ရှိသည့် အသင်းသားတောင်သူများ၏ ပန်းနှင့် ပန်းဂေါ်ဖီစိုက်ခင်းများအား မြို့နယ်သမဝါယမဦးစီးဌာန ဦးစီးအရာရှိနှင့်တာဝန်ရှိသူများက ကွင်းဆင်း ကြည့်ရှုစစ်ဆေးခဲ့ကြောင်း သိရသည်။