04 Mar,2024

တွံတေး မတ် J

           ရန်ကုန်တိုင်းဒေသကြီး တွံတေးခရိုင် တွံတေးမြို့နယ် ဗျောက်ရိုး-ဆိပ်တိုလမ်း ဂဝံလမ်းသစ်ဖွင့်ပွဲ အခမ်းအနား ကို ယနေ့ နံနက်ပိုင်းက အဆိုပါလမ်းထိပ်မုခ်ဦးတွင် ကျင်းပသည်။

           ရှေးဦးစွာ ရန်ကုန်တိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးသက်ဇော်က တွံတေးမြို့နယ် ဗျောက်ရိုး-ဆိပ်တိုလမ်း ဂဝံခင်းခြင်းလုပ်ငန်းစီမံကိန်းနှင့် စပ်လျဉ်း၍ ရှင်းလင်းပြောကြားသည်။

           ဆက်လက်၍ ကျေးရွာရပ်မိရပ်ဖတစ်ဦးက ဗျောက်ရိုး-ဆိပ်တိုလမ်းကို ဂဝံလမ်းခင်းပေးခြင်းအတွက် တာဝန်ရှိသူများကို ကျေးဇူးတင်စကားပြောကြားသည်။  

          ထို့နောက် ရန်ကုန်တိုင်းဒေသကြီး သယံဇာတရေးရာဝန်ကြီး ဦးဇော်ဝင်း၊ ရန်ကုန်တိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူးနှင့် တာဝန်ရှိသူများက ဂဝံလမ်းသစ်ကိုဖဲကြိုးဖြတ်ဖွင့်လှစ်ပေးကြပြီး အမှတ်တရ စုပေါင်းမှတ်တမ်းတင်ဓာတ်ပုံရိုက်ကာ အဆိုပါလမ်း တစ်လျှောက်လှည့်လည်ကြည့်ရှုစစ်ဆေး ကြသည်။

           အဆိုပါ ဗျောက်ရိုး-ဆိပ်တိုလမ်းဂဝံခင်းခြင်းသည် လမ်းအရှည်ပေ ၄၆၂၀၊ အကျယ် ၁၈ပေ၊ ဒု ရှစ်လက်မရှိပြီး ကျေးရွာသုံးရွာမှ ဒေသခံပြည်သူများအတွက် လူမှုစီးပွားဘဝများဖွံ့ဖြိုးတိုးတက်စေရန် အကျိုးပြုစေမည့် လမ်းတစ်လမ်းဖြစ်ကြောင်း သတင်းရရှိသည်။

ကျော်ဇောဦး(မောရှမ်းမြေ)