01 Mar,2024

ပေါင်၊ မတ် ၁

         သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သထုံခရိုင် အ​သေးစားစက်မှုလက်မှုလုပ်ငန်းဦးစီးဌာန အနေဖြင့် ​ကျေးလက်​နေပြည်သူများ အလုပ်အကိုင်အခွင့်အလမ်း ပိုမိုရရှိ​စေရန်၊ အ​သေးစားစီးပွား​ရေးလုပ်ငန်းများ ထူ​ထောင်နိုင်​စေရန်၊ တစ်ဦးချင်းဝင်​ငွေတိုးတက်လာ​စေရန်၊ ပြည်ပပို့ကုန် အစားထိုး ပြည်တွင်း ထုတ်ကုန်များ ပိုမိုထုတ်လုပ်လာနိုင်​စေရန် ရည်ရွယ်၍ လူသုံးကုန်ထုတ်လုပ်မှုနည်းပညာ သင်တန်းဖွင့်ပွဲ အခမ်းအနားကို ယနေ့ နံနက်ပိုင်းက ​ပေါင်မြို့နယ်၊ ဘန့်ဘွေးကုန်း​​ကျေးရွာ၌ ကျင်းပပြုလုပ်ခဲ့ပါသည်။

        အဆိုပါ သင်တန်းဖွင့်ပွဲ အခမ်းအနားသို့ ​ပေါင်မြို့နယ် စီမံအုပ်ချုပ်​ရေးအဖွဲ့ ဥက္ကဌ၊ သထုံခရိုင်အ​သေးစားစက်မှုလက်မှုလုပ်ငန်းဦးစီးဌာန ခရိုင်ဦးစီးမှုး၊ သက်ဆိုင်ရာဌာနများမှ တာဝန်ရှိသူများ၊ သင်တန်းနည်းပြများ၊ ရပ်မိရပ်ဖများနှင့် သင်တန်းသားများ တက်ရောက်ကြရာ ​ပေါင်မြို့နယ် စီမံအုပ် ချုပ်​ရေးအဖွဲ့ ဥက္ကဌက အဖွင့်အမှာစကား ​ပြောကြားပြီး သထုံခရိုင်အ​သေးစားစက်မှုလက်မှု လုပ်ငန်းဦးစီးဌာန ခရိုင်ဦးစီးမှုးက သင်တန်းဖွင့်လှစ်ရခြင်း ရည်ရွယ်ချက်များအား ရှင်းလင်း​ပြောကြား ခဲ့ပါသည်။

        အဆိုပါ လူသုံးကုန်ထုတ်လုပ်မှု နည်းပညာသင်တန်းတွင် ဆပ်ပြာရည်အမျိုးမျိုး၊ ဆပ်ပြာခဲ အမျိုးမျိုးနှင့် လက်သန့်​ဆေးရည်ထုတ်လုပ်နည်းတို့ကို မတ်လ ၁ ရက်နေ့မှ ၅ ရက်နေ့အထိ (၅)ရက်ကြာ သင်တန်းသား (၁၃)ဦးအား စာတွေ့၊ လက်တွေ့ သင်ကြားပေးသွားမည်ဖြစ်ကြောင်း သတင်းရရှိပါသည်။