29 Feb,2024

နေပြည်တော် ဖေဖော်ဝါရီ  ၂၉

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ကျေလက်ဒေသဖွံ့ဖြိုးတိုးတက်ရေးဦးစီးဌာန (ရုံးချုပ်)၏ (၁/၂၀၂၄)ကြိမ်မြောက် ဆန္ဒဖော်ထုတ်ပွဲအခမ်းအနားကို (၂၉-၂-၂၀၂၄)ရက်နေ့၊ နေ့လည်(၂:၀၀)နာရီအချိန်တွင် ရုံးအမှတ်(၃၆-B) ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်) စားရိပ်သာ၌ ကျင်းပပြုလုပ်ခဲ့သည်။

ရှေ့ဦးစွာ ကျေးလက်ဒေဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ် ဦးသိန်းလွင်က အဖွင့်အမှာ စကားပြောကြားသည်။ ထို့နောက် ညွှန်ကြားရေးမှူး(စီမံ)မှ (၃-၂၀၂၃)ဆန္ဒဖော်ထုတ်ပွဲတင်ပြချက်များ နှင့် ပတ်သက်ပြီး ဆောင်ရွက်ပြီးစီးမှုများအား ဖတ်ကြားတင်ပြပြီး ဒုတိယညွှန်ကြားရေးမှူးချုပ်များက ကဏ္ဍအလိုက် ရှင်းလင်းပြောကြားသည်။ ဆက်လက်၍ သက်ဆိုင်ရာဌာနများက ဌာနအကျိုးအလိုငှာ ဆန္ဒများဖော်ထုတ်ခဲ့ကြပြီး ညွှန်ကြားရေးမှူးချုပ်မှ လိုအပ်သည်များ ဖြည့်ဆည်းဆောင်ရွက်ပေးသွား မည်ဖြစ်ပါကြောင်း သိရသည်။