========================

သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန

ရှမ်းပြည်နယ် (တောင်ပိုင်း)၊ တောင်ကြီးခရိုင်၊တောင်ကြီးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၃-၂၀၂၄ ‌ခုဘဏ္ဍာရေးနှစ် တွင် ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP)ဖြင့်   ကွန်ကရစ်လမ်းခင်းခြင်းလုပ်ငန်းဆောင်ရွက်‌ ပြီးစီးမှု အခြေအနေများကို ယနေ့ နံနက်ပိုင်းက  တာဝန်ရှိသူများမှ နောင်ကားကျေးရွာအုပ်စု၊ ဖောင်မွူးကျေးရွာ၌ ကွင်းဆင်းစစ်ဆေးခဲ့သည်။

 

‌ထိုသို့ကွင်းဆင်းစစ်ဆေးရာတွင် တောင်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦး‌အောင်နိုင်ဝင်း၊ စီမံကိန်းတာဝန်ခံ နှင့် အင်ဂျင်နီယာ  ဝန်ထမ်းများသည် ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်းကော်မတီဝင်များ နှင့်အတူ  ဖောင်မွူးကျေးရွာတွင် အရှည် ၉၀၀ ပေ၊ အကျယ် ၁၂ပေ၊ထု ၇လက်မရှိ မူကြိုကျောင်းသွားလမ်း   ကွန်ကရစ်ခင်းခြင်းလုပ်ငန်း ရာနှုန်းပြည့် ဆောင်ရွက်ပြီးစီးမှု အခြေအနေများကို ကြည့်ရှုစစ်ဆေးပြီး မြို့နယ်ဦးစီးမှူး က   ကျေးရွာရှိ ရပ်မိရပ်ဖများ၊ ကျေးရွာသူ/သားများနှင့် တွေ့ဆုံကာ ဆောင်ရွက်ပြီး ဖွံ့ဖြိုးရေးလုပ်ငန်းများကို ရေရှည်တည်တံ့အောင် ဝိုင်းဝန်းထိမ်းသိန်းကြရန်   ဆွေးနွေးမှာကြား ခဲ့သည်။

 

ဖောင်မွူးကျေးရွာတွင်  အဆိုပါ ကွန်ကရစ်လမ်းခင်းခြင်း လုပ်ငန်းကို ကျေးရွာဖွံ့ဖြိုးတိုးတက်ရေးလုပ်ငန်း စီမံကိန်းပံ့ပိုးရန်ပုံငွေကျပ်  (၁၅၀)သိန်း၊ကျေးရွာပြည်သူထည့်ဝင်ငွေကျပ်(၉၂)သိန်း၊ စုစုပေါင်းရန်ပုံ‌ငွေကျပ်(၂၄၁)သိန်းကို အသုံးပြုကာ မြို့နယ် ဦးစီးဌာနဝန်ထမ်းများ၏ နည်းပညာပံ့ပိုးမှု၊အနီးကပ်ကြီးကြပ်မှုတို့ဖြင့် ကျေးရွာသူ၊ကျေးရွာသားများကိုယ်တိုင် ၂၀၂၃ခုနှစ် ဩဂုတ်လ  ပထမအပတ်မှ စတင်အကောင် အထည်ဖော်  ဆောင်ရွက်ခဲ့ရာ ယခုအခါလုပ်ငန်းများ အားလုံး ရာနှုန်းပြည့် ဆောင်ရွက်ပြီးစီးဖြစ်ကြောင်း  တောင်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦး‌အောင်နိုင်ဝင်း ထံမှ သိရသည်။