ရပ်စောက် ဖေဖော်ဝါရီလ ၂၃ရက်

 

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက     ကျေးလက်စီးပွားမြင့်မားရေးရန်ပုံငွေထူထောင်ခြင်းလုပ်ငန်း(RBF)စီမံကိန်း ရန်ပုံငွေများဖြင့် မိသားစု ဝင်ငွေတိုး ဒေသဝက်မွေးမြူခြင်းလုပ်ငန်းများ  ဆောင်ရွက်ထားရှိမှု အခြေအနေများကို ယနေ့  နံနက်ပိုင်းက တာဝန်ရှိသူများ မှ ကျောက်တော ကျေးရွာ အုပ်စု၊ ကျောက်တော ခေတ်မီစံပြကျေးရွာ ၌ ကွင်းဆင်းစစ်ဆေးခဲ့ သည်။

 

ထိုသို့ကွင်းဆင်းစစ်ဆေးရာတွင် ရပ်စောက်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန  မြို့နယ်ဦးစီးမှူး ဦးရှေးရယ်၊ စီမံကိန်းတာဝန်ခံ နှင့် ဝန်ထမ်းများသည် ကျောက်တော ခေတ်မီစံပြကျေးရွာတွင်  အစုအဖွဲ့စနစ်ဖြင့် သန်းထိုက်အောင်ဝက်‌မွေးမြူရေးအဖွဲ့မှ    ဒေသဝက်ကောင်ရေ (၂၀)မွေးမြူထားရှိမှု၊ ဝက်စာများသိုလှောင်ထားမှု  အခြေအနေများကို ကြည့်ရှု့စစ်ဆေးပြီး မြို့နယ်ဦးစီးမှူး က RBF အသင်းသူ/သားများနှင့် တွေ့ဆုံကာ ဝက်အစာဈေးနူန်းများ၊ မွေးမြူရေးကုန်ကျစရိတ်၊ရောင်းချသည့်ဈေးနူန်းများကို မေးမြန်းဆွေးနွေးပြီး ကျေးရွာ တင်ပြချက်များအပေါ် လိုအပ်သည်များ ကို ပေါင်းစပ်ညှိနှိုင်း ဆောင်ရွက် ပေးသည်။

 

ကျောက်တောခေတ်မီစံပြ ကျေးရွာတွင် အစုအဖွဲ့စနစ်ဖြင့် မိသားစု ဝင်ငွေးတိုး စီးပွားရေးလုပ်ငန်းများကို ကျေးလက်စီးပွားမြင့်မားရေးရန်ပုံငွေထူထောင်ခြင်းလုပ်ငန်း(RBF)စိမံကိန်းချေးငွေကျပ်သိန်း(၁၀၀)၊ အသင်းဝင်များ၏ မတည်ငွေ(၃၄)သိန်း၊စုစုပေါင်းရန်ပုံငွေကျပ်(၁၃၄)သိန်းကို  အဆိုပါ ကျေးရွာရှိစိုက်ပျိုးရေး၊ မွေးမြူရေးထုတ်လုပ်သူများ၊  အငယ်စား၊ အလတ်စား စီးပွားရေးလုပ်ကိုင်သူများအတွက် လိုအပ်သောအရင်းအနှီးရရှိစေရန်၊ အသက်မွေး ဝမ်းကျောင်းလုပ်ငန်းများအား အစုအဖွဲ့စနစ်ဖြင့် ဆောင်ရွက်တက်စေရန်စသည့် ရည် ရွယ်ချက်များဖြင့် အကောင်အထည်ဖော်ဆောင်ရွက်လျက်ရှိကြောင်း ရပ်စောက်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန  မြို့နယ်ဦးစီးမှူး ဦးရှေးရယ် ထံမှသိရသည်။