23 Feb,2024

အင်္ဂပူ   ဖေဖော်ဝါရီ    ၂၂

ဧရာဝတီတိုင်းဒေသကြီး၊ အင်္ဂပူမြို့နယ်၊ ကွင်းကောက်မြောက်ကျေးရွာအုပ်စု၊ ကွင်းကောက်တောင် စိုက်ပျိုးရေးနှင့်အထွေထွေလုပ်ငန်းသမဝါယမအသင်းမှ အသင်းသား ၃၀ ဦး၏ နွေစပါး ၃၇၀ ဧက အတွက် တစ်ဧကလျှင် ငွေကျပ် ၂ သိန်းနှုန်းဖြင့်ညီမျှသော သွင်းအားစုများကို စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာန၏ နိုင်ငံ့စီးပွားမြှင့်တင်ရေးရန်ပုံငွေမှ ငွေကျပ်သိန်း ၇၄၀ ပံ့ပိုးငွေ ပေးအပ်ပွဲအခမ်းအနားကျင်းပပြုလုပ်ခဲ့သည်။

အခမ်းအနားသို့ ဒုတိယမြို့နယ်အုပ်ချုပ်ရေးမှူး၊ မြို့နယ်စိုက်ပျိုးထုတ်လုပ်မှုတိုးတက် မြင့်မားရေးအဖွဲ့ဝင်များ၊ သက်ဆိုင်ရာကျေးရွာအုပ်ချုပ်ရေးမှူးနှင့် အဆိုပါအသင်းမှအသင်းသားများ တက်ရောက်ခဲ့ပြီး မြို့နယ်သမဝါယမဦးစီးဌာနမှ ဦးစီးအရာရှိက နွေစပါးအထွက်နှုန်းတိုးရေးအတွက် ဆွေးနွေးမှာကြားခဲ့ကြောင်း သိရသည်။