21 Feb,2024

နေပြည်တော် ဖေဖော်ဝါရီ ၂၁  

          သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုဝန်ကြီးဦးလှမိုးသည် ၂၁-၂-၂၀၂၄ ရက်‌နေ့ နံနက်(၁၁း၀၀) နာရီအချိန်တွင် ကျေးလက်လမ်းဖွံ့ဖြိုးရေးဦးစီးဌာန (ရုံးချုပ်)၌ သင်တန်းတက်ရောက်နေကြသည့်  တိုင်း‌ဒေသကြီး/ပြည်နယ်များမှ GIS လုပ်ငန်းတာဝန်ခံ ဆောင်ရွက်မည့် ဝန်ထမ်းများ၏ စွမ်းဆောင်ရည်မြင့်မားရေး (၁/၂၀၂၄) သင်တန်းသို့ ကြွရောက်၍ လိုအပ်သည်များ လမ်းညွှန်မှာကြားပြီး သင်တန်းသားများအား ဂုဏ်ပြုထောက်ပံ့ငွေများပေးအပ်ချီးမြှင့်ခဲ့ပါသည်။

           ထိုနောက် ပြည်‌ထောင်စုဝန်ကြီး ဦးလှမိုးသည် အမြဲတမ်းအတွင်းဝန် ဦးခန့်ဇော်၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ အင်ဂျင်နီယာချုပ် (မြို့ပြ)များ၊ စစ်ဆေးရေးအရာရှိချုပ်၊ ညွှန်ကြားရေးမှူးများနှင့် တာဝန်ရှိသူများလိုက်ပါလျက် ကျေးလက်လမ်းဖွံ့ဖြိးရေးဦးစီးဌာနရှိ ဌာနခွဲများတွင် တာဝန်ထမ်းဆောင်နေကြသည့် ဝန်ထမ်းများနှင့် ရင်းရင်းနှီးနှီးတွေ့ဆုံ၍ ဝန်ထမ်းများ၏ လစဉ် သက်သာထောက်ပံ့ရေးကိစ္စများအတွက် လိုအပ်သည်များ လမ်းညွှန်မှာကြားခဲ့ပါသည်။