19 Feb,2024

         မကွေးတိုင်းဒေသကြီး သရက်ခရိုင် ကံမမြို့နယ်ရှိ ပုထိုးကျေးရွာနှင့် သရက်မြို့နယ် ပြရည်ကျေးရွာချင်းဆက်လမ်းပေါ်၌ ကျောက်စီကမ်းကပ်ခုံနှင့် သံကူကွန်ကရစ်ကြမ်းခင်း ၁၀ ပေ Box Culvert နှစ်စင်း နှင့် ၅ ပေ Box Culvert နှစ်စင်း တည်ဆောက်ခြင်းလုပ်ငန်းအား ဆောင်ရွက်လျက်ရှိရာ ယခုအခါရာနှုန်းပြည့် ပြီးစီးပြီဖြစ်သည်။

         အဆိုပါ Box Culvert လေးစင်းအား ကံမမြို့နယ် ကျေးလက်လမ်းဖွံ့ဖြိုးရေးဦးစီးဌာနအနေဖြင့် ၂၀၂၃-၂၀၂၄ ဘဏ္ဍာနှစ် တိုင်းဒေသကြီးငွေလုံးငွေရင်းရန်ပုံငွေကျပ် ၅၄ သန်းဖြင့် ဆောင်ရွက်ခဲ့ခြင်းဖြစ်ပြီး Box Culvert များ တည်ဆောက်ပြီးစီးခဲ့သည့်အတွက် ယာဉ်များအဆင်ပြေချောမွေ့စွာ သွားလာနိုင်ပြီး ကျေးရွာ ၁၁ ရွာမှ ဒေသခံပြည်သူများ၏ ပညာရေး၊ ကျန်းမာရေးနှင့် လူမှုရေးကိစ္စရပ်များ ပိုမိုအဆင်ပြေလာမည်ဖြစ်ကြောင်း သိရသည်။

နိုင်ထွန်း