19 Feb,2024

အထက်မင်းလှ ဖေဖော်ဝါရီ ၁၇

        မကွေးတိုင်းဒေသကြီး မင်းလှမြို့နယ်၌ ကျေးလက်နေပြည်သူများ၏ ပညာရေး၊ ကျန်းမာရေး၊ လမ်းပန်းဆက်သွယ်ရေးကဏ္ဍများ ဖွံ့ဖြိုးတိုးတက်စေရန် ကျေးရွာချင်းဆက်လမ်းများပေါ်ရှိ ရေကျော်များကို မြို့နယ်ကျေးလက်လမ်းဖွံ့ဖြိုးရေးဦးစီးဌာနက ၂၀၂၄-၂၀၂၅ ဘဏ္ဍာနှစ်အတွင်း အဆင့်မြှင့်တင်ဆောင်ရွက်မည် ဖြစ်ကြောင်း သိရသည်။

          လုပ်ငန်းများဆောင်ရွက်ရာတွင် ပြည်ထောင်စုရန်ပုံငွေဖြင့် ခလိုင်း- ရွာသာလှ(စစ္စနို့-ကန်တုတ်) လမ်းပေါ်ရှိ ရေကျော်အရှည်ပေ ၁၅၀ ကို လည်းကောင်း၊ တိုင်းဒေသကြီးရန်ပုံငွေဖြင့် ဆင်မတောင်-ညောင်ဝိုင်း လမ်းပေါ်ရှိ ရေကျော်အရှည်ပေ ၂၀၀ ကိုလည်းကောင်း ဆောင်ရွက်ရန် ကျေးလက်လမ်းဖွံ့ဖြိုးရေးဦးစီးဌာန ဒီဇိုင်းပုံထုတ်ဌာနခွဲမှ တာဝန်ရှိသူများက ကွင်းဆင်းတိုင်းတာပြီးဖြစ်ကြောင်း သိရသည်။

           အဆိုပါ ကျေးရွာချင်းဆက်လမ်းများပေါ်ရှိ ရေကျော်များကို အဆင့်မြှင့်တင် ဆောင်ရွက်ပေးခြင်းဖြင့် ကျေးလက်နေပြည်သူများ၏ လမ်းပန်းဆက်သွယ်ရေးအပါအဝင် ပညာရေး၊ ကျန်းမာရေးကဏ္ဍများ ပိုမို အဆင်ပြေချောမွေ့လာပြီး လူမှုစီးပွားဖွံ့ဖြိုးတိုးတက်လာမည်ဖြစ်သည်။

ဇာဇာ (အထက်မင်းလှ)