မြောင်းမြ ဇန်နဝါရီ ၃၁
ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ်သမဝါယမအသင်းစု၏ ၂၀၂၂-၂၀၂၃ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးကို ဇန်နဝါရီ ၃၀ ရက်နေ့က မြို့နယ် သမဝါယမ အသင်းစုရုံး၌ ပြုလုပ်ခဲ့ကြောင်းသိရသည်။ အဆိုပါအခမ်းအနားတွင် သဘာပတိအဖြစ် မြို့နယ် သမဝါယမအသင်းစုဥက္ကဋ္ဌ ဦးတင်မောင်ဝင်းက အမှာစကားပြောကြားပြီး ဧည့်သည်တော်များအဖြစ် ဧရာဝတီတိုင်းဒေသကြီး သမဝါယမအသင်းစုချုပ်ဥက္ကဋ္ဌ ဦးစောအင်ဒရူးပန်းနှင့် မြောင်းမြမြို့နယ် သမဝါယမဦးစီးဌာန၊ ဦးစီးအရာရှိဒေါ်စန္ဒာညွှန့်တို့က အမှာစကားပြောကြားခဲ့သည်။
ထို့နောက် ၂၀၂၂-၂၀၂၃ ဘဏ္ဍာနှစ်၏ ဒါရိုက်တာအဖွဲ့လုပ်ငန်းအစီရင်ခံစာ၊ အသင်းစာရင်းစစ် အစီရင်ခံစာ နှစ်ချုပ်ဘဏ္ဍာရေးရှင်းတမ်းများကို ဖတ်ကြားရှင်းလင်းပြီး တက်ရောက်လာကြသူများထံမှ အတည်ပြုချက်ရယူခဲ့ပြီးနောက် သဘာပတိမှနိဂုံးချုပ်အမှာစကားပြော၍ အခမ်းအနားကိုအောင်မြင်စွာ ရုတ်သိမ်းခဲ့ကြောင်း သိရသည်။
ဝေဝေ(မြောင်းမြ)
ဧရာဝတီတိုင်းဒေသကြီး
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။